नुवाकोट:- काठ सहित गाडी नियन्त्रणमा

२०७८-०८-०५

A
A^-
A⁺

मङ्सिर ५, लिखु गाउँपालिका-६ भरथोक स्थित भित्री सडक खण्डमा ककनीबाट छहरे तर्फ आउँदै गरेको बा ४ ख २४८६ नं.को आईचरमा सालको काठ अन्दाजी ७० वटा काठको फेन्टा लुकाईछुपाई ल्याएको अवस्थामा अस्थाई प्रहरीचौकी छहरे बाट प्र.स.नि.को कमाण्डमा खटिएको प्रहरी टोलीले गोप्य सूचनाको आधारमा फेला पारेको, उक्त आईचर र काठ नियन्त्रणमा लिई थप अनुसन्धान कार्य जिल्ला प्रहरी कार्यालय नुवाकोटमा भईरहेको ।

सम्बन्धित समाचार

तालिम समापन

२०७९-०८-१९

बागमती प्रदेश प्रहरी तालिम केन्द्र दुधौली, सिन्धुलीको तत्वावधानमा बागमती प्रदेश प्रहरी कार्यालय हेटौंडाद्वारा बागमती प्रदेश प्रहरी गण हेटौंडामा संचालित रेडियो अपरेटर ग्रेड थ्री (प्र.ज.) तालिम १६ औं समुहको दीक्षान्त समारोह सम्पन्न भएको छ । बागमती प्रदेश प्रहरी गण हेटौंडामा आज आयोजित एक कार्यक्रमका बीच प्रहरी उपरीक्षक गौतम मिश्रले तालिमको समापन गर्नुभएको हो । ७५ कार्यदिन अवधीको उक्त तालिममा २५ जना पुरुष र ५ जना महिला गरी ३० प्रशिक्षार्थीहरूको सहभागिता रहेको थियो । तालिम समापन समारोहमा बागमती प्रदेश प्रहरी कार्यालय हेटौंडा र बागमती प्रदेश प्रहरी गण हेटौंडामा कार्यरत अन्य सकल दर्जाका प्रहरी अधिकृत तथा जवानहरूको समेत सहभागिता रहेको थियो ।

चितवनमा एकको मृत्यु

२०७९-०८-१९

चितवन, राप्ति नगरपालिका-१, लोथर स्थित वीरगंजबाट चितवन तर्फ जाँदै गरेको ना३ख ३९५० नं.को ट्रक चालक जिल्ला बारा घर भएको अन्दाजी ४८ वर्षीय फिरोजमिया मन्सुरी राप्ति नगरपालिका-१, लोथरमा रोकि चिया खाने क्रममा छात्ती दुखि एक्कासि बेहोस भई उपचारको लागि नयाँ मेडिकल कलेज भरतपुर पठाईएकोमा निजको ईसिजि गरी हेर्दा डा.ले मृत घोषणा गरेको । घटना सम्बन्धी थप अनुसन्धान कार्य भईरहेको ।

रसुवामा स्काईभेटर दुर्घटना

२०७९-०८-१९

रसुवा, आमाछोदिङमो गाउँपालिका-५, स्थित रहेको निर्माणाधिन नेपाल सान्जेन खोला जलविद्युत आयोजनाको ड्याम साईडबाट अडिट २ तर्फ जाँदै गरेको स्काईभेटर सडकको छेउ भासिन गई अन्दाजी १०० मिटर तल खस्न गई चालक जिल्ला रसुवा आमाछोदिङमो गाउँपालिका-४, गोल्जुङ बस्ने ४५ वर्षीय कामि घलेको टाउको र शरीरको विभिन्न भागमा चोट र अवस्था बोल्न नसक्ने । उपचारको लागि जिल्ला अस्पताल, धुन्चेबाट काठमाण्डौ मेडिसिटि अस्पताल रिफर गरिएको ।

धादिङमा घाईते अवस्थामा फेला

२०७९-०८-१९

धादिङ, निलकण्ठ नगरपालिका-३, पहरेचौतारा स्थित बस्ने ५६ वर्षीय सुनि सिहं तामाङ साथीलाई भेट्न हिडेको धेरै समयसम्म घर नआएको हुंदा आफन्तले खोजतलास गर्दै जाने क्रममा साङकोस स्थित अप्सरा गाउंमा घाईते अवस्थामा फेला परि जिल्ला अस्पताल धादिङमा ल्याई सामान्य उपचार पश्चात थप उपचारको लागि काठमाण्डौ तर्फ पठाएको,अनुहार तथा शरिरको विभिन्न भागमा चोट,अवस्था गम्भीर । घटना सम्बन्धी थप अनुसन्धान कार्य भईरहेको ।

टिपरको ठक्करबाट पैदल यात्रीको मृत्यु

२०७९-०८-१८

काभ्रे, बनेपा नगरपालिका-८, स्थित बनेपाबाट धुलीखेल तर्फ जाँदै गरेको बा ४ ख ५३२४ नं. को टिपरले पैदल यात्रीलाई ठक्कर दिँदा मृत्यु भएको छ । मृत्यु हुने जिल्ला काभ्रे पनौती नगरपालिका-७, बस्ने ५८ वर्षीय विश्वनाथ उलख रहेका छन् । निजलाई टिफरले ठक्कर दिँदा घाईते भई उपचारको लागि सिरमेमोरीयल अस्पताल लगिएको, अवस्था गम्भिर भएकोले काठमाण्डौ भ्याली न्युउरो अस्पताल सुनधारा पुर्‍याउँदा डाक्टरले मृत घोषणा गरेको । टिपर र चालक ईलाका प्रहरी कार्यालय, बनेपाको नियन्त्रणमा ।

विषादी सेवनबाट मृत्यु

२०७९-०८-१८

मकवानपुर, हेटौंडा उपमहानगरपालिका-१८, फुर्केचौर बस्ने अन्दाजी ७२ वर्षीय नन्दलाल परियारले आफ्नै घरमा विषादी सेवन गरि बिरामी भई उपचारको लागि चुरेहिल अस्पताल ल्याएकोमा निजको उपचारको क्रममा मृत्यु भएको । घटना सम्बन्धी थप अनुसन्धान कार्य भईरहेको ।