प्रहरी कन्ट्रोल : १००, टोल फ्री नं.: १६६०५७५२१००
नेपा
EN

सुन जस्तो देखिने पहेलो धातु सहित मानिस नियन्त्रणमा

२०८०-०५-०२

  • A
  • A-
  • A+
Share

रसुवा गोसाईकुण्ड गाउँपालिका-५, स्याफ्रूवेशी स्थितमा प्रहरी चौकी स्याफ्रूवेशी, रसुवाबाट नियमित चेकप्वईन्टमा खटिएको चेकिङ टोलीले टिमुरेबाट स्याफ्रूवेशी तर्फ आउँदै गरेको पैदल यात्री जिल्ला सिन्धुपाल्चोक भोटेकोशी गाउँपालिका-५, पोखरी बस्ने वर्ष २४ को सुदिप शेर्पालाई रोकी चेकजाँच गर्ने क्रममा निजले लगाएको कालो रंगको चेष्टगार्डको भित्री खल्तीमा अन्दाजी २ KG सुनको जस्तो  देखिने पहेलो धातु METALOR 1 Kilo Gold 999.9 ISO 24018 लेखिएको बिस्कुट आकारको थान –२(अन्दाजी मुल्य रु. १,८९,३०,०००।- बराबरको) लुकाई छिपाई ल्याएको अल्याएको लाकोरूवेशी रसुवाबाट नियमितवस्थामा फेला परेको हुँदा निजलाई उक्त धातु सहित नियन्त्रणमा लिई थप अनुसन्धानको लागि जिल्ला प्रहरी कार्यालय रसुवामा ल्याई राखिएको थियो ।

अनुसन्धानको क्रममा उल्लेखित सुदिप शेर्पालाई सोधपुछ गर्दा निजको भिनाजु नाता पर्ने जिल्ला सिन्धुपाल्चोक भोटेकोशी गाउँपालिका-१ घर भएका बर्ष ३०को फुस्याङबु शेर्पा समेतको संलग्नता रहेको खुल्न आएकोले निज फुस्याङबु शेर्पालाई जिल्ला रसुवा गोसाईकुण्ड गाउँपालिका-२ टिमुरेबाट नियन्त्रणमा लिई जिल्ला प्रहरी कार्यालय रसुवामा ल्याई  थप अनुसन्धान कार्य भई रहेको छ ।

 

सम्बन्धित समाचार
प्रदेश स्तरीय सुरक्षा गोष्ठी सम्पन्न ।
२०८२-०३-२४

बागमती प्रदेश, धुलिखेल, काभ्रेपलाञ्चोक: आज मिति २०८२।०३।२४ गते तालुक नेपाल सरकार गृह मन्त्रालय र बागमती प्रदेश सरकार आन्तरिक मामिला तथा कानून मन्त्रालयको संयुक्त आयोजनामा धुलिखेल, काभ्रेपलाञ्चोकमा संचालन भएको एक दिवसीय “प्रदेशस्तरीय सुरक्षा गोष्ठी” कार्यक्रम बागमती प्रदेशका आन्तरिक मामिला तथा कानून मन्त्री माननीय सुरज चन्द्र लामिछानेज्यूको प्रमुख आतिथ्यता र श्रीमान गृह सचिव गोकर्णमणि दुवाडी ज्यूको अध्यक्षतामा सम्पन्न भएको छ । उक्त कार्यक्रममा, विशिष्ट अतिथि बागमती प्रदेशका प्रमुख सचिव भुपाल बरालज्यू, नेपाली सेनाका बलाधिकृत रथी निर्मल कुमार थापाज्यू, नेपाल प्रहरीका संगठन प्रमुख प्रहरी महानिरीक्षक दिपक थापाज्यू, सशस्त्र प्रहरी बल नेपालका प्रमुख सशस्त्र प्रहरी महानिरीक्षक राजु अर्यालज्यू, राष्ट्रिय अनुसन्धान विभागका मुख्य अनुसन्धान निर्देशक हुतराज थापाज्यू, NDRRMA कार्यकारी प्रमुख ई. दिनेश भट्टज्यू, नेपाल सरकार, गृह मन्त्रालय, सुरक्षा समन्वय महाशाखा प्रमुख, सहसचिव श्री रामचन्द्र तिवारीज्यू, प्रदेश सुरक्षा समितिका पदाधिकारीज्यूहरू, बागमती प्रदेशका (१३) वटै जिल्लाका जिल्ला सुरक्षा समितिका पदाधिकारीज्यूहरू, सिनियर प्रहरी अधिकृतज्यूहरू लगायत विभिन्न संञ्चार माध्यममा आबद्ध पत्रकार तथा सञ्चारकर्मीज्यूहरुको उपस्थित रहेको थियो । कार्यक्रममा बागमती प्रदेश अन्तर्गतका १३ वटै जिल्लाहरूको जिल्ला प्रशासन कार्यालयका प्रमुख जिल्ला अधिकारीज्यूहरूले आ-आफ्नो जिल्लाको समग्र विद्यमान सुरक्षाको अवस्था, समस्या तथा चुनौती र आगामी कार्यभार लगायतका विषयमा प्रस्तुतीकरण राख्नु भएको थियो । कार्यक्रमको अन्त्यमा बागमती प्रदेशका आन्तरिक मामिला तथा कानून मन्त्री माननीय सुरज चन्द्र लामिछानेज्यूबाट “प्रदेश स्तरीय सुरक्षा गोष्ठी” मा बागमती प्रदेश अन्तर्गतका १३ वटा जिल्लाका प्रमुख जिल्ला अधिकारीज्यूहरू एवं अन्य अतिथिज्यूबाट राख्नु भएका विषयवस्तुका सम्बन्धमा आवश्यक निर्देशन सम्बोधन पश्चात कार्यक्रमका अध्यक्ष श्रीमान् गृह सचिव गोकर्णमणि दुवाडीज्यूको मन्तव्य सहित “प्रदेशस्तरीय सुरक्षा गोष्ठी” कार्यक्रम सम्पन्न भएको थियो ।