अवैध लागू औषध सहित मानिस नियन्त्रणमा

२०८२-०५-१२

A
A^-
A⁺

मकवानपुर, हेटौंडा उपमहानगरपालिका-१९, बस्तिपुर स्थित इलाका प्रहरी कार्यालय, नेवारपानीबाट खटिएको प्रहरी टोलीले बाटोमा हिडिरहेको अबस्थामा जिल्ला रौतहट गरुडा नगरपालिका-६ बस्ने अन्दाजी वर्ष १८ को दुर्गा कुमार साहले बोकेको भिर्ने झोला शंका लागि चेकजाँच गर्न खोज्दा झोला फाली भागेकोमा निजलाई लखेटी नियन्त्रणमा लिई चेकजाँच गर्दा झोला भित्र रातो प्लाष्ट्रिकले प्याक गरि राखिएको (एक पोका) अन्दाजी १० किलोग्राम लागू औषध गाँजा फेला परेकोमा उक्त लागू औषध सहित निजलाई नियन्त्रणमा लिई आवश्यक अनुसन्धान कार्य भईरहेको छ ।

सम्बन्धित समाचार

काभ्रेपलाञ्चोकमा मानिस झुण्डी मृत्यु

२०८२-०५-१२

काभ्रेपलाञ्चोक, भुम्लु गाउँपालिका-२, घर भई हाल बनेपा नगरपालिका-६, भक्तेस्वर मार्ग स्थित डेरा गरी बस्ने ५५ वर्षीय तिलक भण्डारी आफु सुत्ने कोठाको झ्यालको फलामको डण्डीमा सलको पासो लगाई झुण्डी मृत्यु भएको छ ।

अवैध लागू औषध गाँजा सहित मानिस नियन्त्रणमा

२०८२-०५-१२

धादिङ, गल्छी गाउँपालिका-६, महेश दोभान स्थित पृथ्वी लोकमार्गमा प्रहरी चौकी बैरेनीबाट खटिएको प्रहरी टोलिले चेकजाँच गर्ने क्रममा बैरेनीबाट पोखरा तर्फ जादै गरेको जिल्ला कास्की पोखरा उपमहानगरपालिका-९ बस्ने अन्दाजी २८ वर्षीय संजय के.सी.ले चलाएको ग २० प ४७२६ नम्बरको स्कुटीमा राखेको जेब्रा झोला भित्र प्लास्टिकले बेरिएको ८ पोका अन्दाजी ११ किलोग्राम लागू औषध गाँजा फेला पारी उक्त लागू औषध स्कुटी र चालक लाई नियन्त्रणमा लिई थप अनुसन्धन कार्य भईरहेको छ ।

गोली सहित मानिस नियन्त्रणमा

२०८२-०५-११

काभ्रेपलाञ्चोक, धुलिखेल नगरपालिका-४, बखुनटोल स्थितमा झै-झगडा भएको भन्ने खबर प्राप्त हुनसाथ जिल्ला प्रहरी कार्यालय काभ्रेपलाञ्चोकबाट प्रहरी टोली गई झै-झगडामा संलग्न जिल्ला नबलपरासी गैडाकोट नगरपालिका-१२ घर भई जिल्ला काभ्रेपलाञ्चोक धुलिखेल नगरपालिका-४ बखुनटोल स्थित डेरा गरि बस्ने बर्ष अन्दाजी २१ को रोशन बि.क लाई नियन्त्रणमा लिई निजको कोठा खानतलासी गर्दा कोठमा रहेको काठको दराजमा लुकाई छिपाई राखेको अवस्थामा 9MM को गोली राउण्ड २ फेला परेको हुदाँ रित पूर्वक बरामद गरी जिल्ला प्रहरी कार्यालय काभ्रेपलाञ्चोकमा ल्याई अनुसन्धान कार्य भईरहेको छ ।

चितवनमा मानिस झुण्डी मृत्यु

२०८२-०५-१०

चितवन, माडी नगरपालिका-५, ढिकुर बारी बस्ने अन्दाजी २२/२३ वर्षीय आशिष सुनार आफ्नै घरको आफु सुत्ने कोठामा काठको बलोमा नाईलनको डोरीको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

नुवाकोटमा झुण्डी एक महिलाको मृत्यु

२०८२-०५-०९

नुवाकोट, बेलकोटगढि नगरपालिका-५, कान्ले स्थित सक्सेस हाचरी कुखुरा फर्ममा काम गर्ने अनिस घर्ती मगरको श्रीमती वर्ष अन्दाजी १८ की सुस्मा बि.क.ले आफु सुत्ने कोठाको फल सिलिङको डण्डीमा सलको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

लागुऔषध सहित २ जना भरतीय नागरिक नियन्त्रणमा

२०८२-०५-०८

मकवानपुर, हेटौंडा उपमहानगरपालिका-१५, रातोमाटे चेकपोईन्ट स्थित पुर्व पश्चिम सड्क खण्डमा विशेष सुचनाको आधारमा प्रहरी चौकी रातोमाटे मकवानपुरबाट प्रहरी हवल्दारको कमाण्डमा खटिएको प्रहरी टोलीले भारतको रक्सौलबाट काठमाण्डौँ तर्फ आउँदै गरेको BR 01 PB 1802 नम्बरको सुमोलाई रोकी चेकजाँच गर्ने क्रममा उक्त सुमोको पछाडी तर्फको दुईवटै साईडको वडी भित्र लुकाई छिपाई ल्याएको कालो प्लाष्टिकको ३९ पोकामा रहेको DIAZEPAM 2ML को १९५० एम्पुल, NOOPHIN 2ML को १९५० एम्पुल, PHENERGAN 2ML को १९५० एम्पुल र Tramadol २४ पत्तामा २४० क्याप्सुल गरी जम्मा ५८५० एम्पुल र २४० क्याप्सुल फेला परेको । सुमो चालक देश भारत उत्तर प्रदेश राज्य बहराईच जिल्ला बलाई गाँउ बस्ने वर्ष अन्दाजी ३५ को किस्मत अलि र सहचालक सोहि बस्ने वर्ष अन्दाजी २८ को शाहरुख अलि सहित सुमोलाई लागुऔषध सहित नियन्त्रणमा लिई थप अनुसन्धान कार्य भईरहेको छ ।