मकवानपुर, हेटौंडा उपमहानगरपालिका-१५, राटोमाटे चेकपोईन्ट स्थित पुर्व पश्चिम सडकखण्ड अन्तर्गत प्रहरी चौकी रातोमाटेबाट प्रहरी सहायक निरीक्षकको कमाण्डमा खटिएको प्रहरी टोलीले नारायणगढबाट विरगंजतर्फ जाँदै गरेको बा.४ ख ७४७५ नं. को यात्रु वाहक बसलाई रोकी चेकजाँच गर्ने क्रममा बसको सिटमा सवार जिल्ला मकवानपुर हेटौंडा उपमहानगरपालिका १५ भोर्ले वस्ने वर्ष अन्दाजी २२ को भक्त बहादुर घलान र सोहि भिमफेदी गाउँपालिका-८, वस्ने वर्ष अन्दाजी २१ को सरोज स्याङ्तान माथि शंका लागि चेकजाँच गर्दा भक्त बहादुर घलानले बोकेको सेतो रङ्गको झोलाबाट अन्दाजी १ किलो ७०० ग्राम र सरोज स्याङ्तानले बोकेको निलो रङ्गको झोलाबाट अन्दाजी २ किलो गरि जम्मा ३ किलो ७०० ग्राम लागुऔषध गाँजा फेला परेको । लागुऔषध गाँजा सहित दुबैजनालाई नियन्त्रमा लिइ थप अनुसन्धान कार्य भईरहेको छ ।