लागुऔषध सहित मानिस नियन्त्रणमा

२०८१-१२-१८

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेकपोइन्ट स्थित पुर्व पश्चिम सडक खण्डमा प्रहरी चौरी रातोमाटे मकवानपुरबाट प्रहरी सहायक निरीक्षकको कमाण्डमा खटिएको प्रहरी चेकिङ टोलीले विरगंजबाट हेटौंडा तर्फ आउँदै गरेको बा.प्र.०८-००१ ज ००१९ नं. को यात्रु बाहक इभि गाडीलाई रोकी चेकजाँच गर्ने क्रममा उक्त गाडीमा सवार भई आएका जिल्ला मकवानपुर हेटौंडा उपमहानगरपालिका-१, बस्ने वर्ष अन्दाजी २४ को राज श्रेष्ठ माथि शंका लागी निजको शरिर चेकजाँच गर्दा निजले लगाएको जिन्स पाईन्टको कम्मरको भागमा रहेको बेल्ट लुप्पिमा प्वाल पारी दुइ वटा प्लाष्टिकको प्याकेट भित्र लुकाई छिपाई ल्याएको लागुऔषध खैरो हिरोईन जस्तो देखिने पदार्थ अन्दाजी ७ ग्राम फेला परेको । निजलाई लागुऔषध सहित नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

८० किलोग्राम भन्दा बढी लागुऔषध गाँजा बरामद

२०८२-०२-१८

मकवानपुर, थाहा नगरपालिका-३, थानाबजार स्थित त्रिभुवन राजपथ सडक खण्डमा लागुऔषध ओसार पोसार भईरहेको छ भन्ने बिशेष सूचनाको आधारमा इलाका प्रहरी कार्यालय पालुङ मकवानपुरबाट खटिएको प्रहरी चेकिङ टोलीले डाँडाबासबाट काठमाण्डौं तर्फ जाँदै गरेको बा ५ च. ४४११ नम्बरको सुमोलाई रोकी चेकजाँच गर्ने क्रममा गाडीको पछाडीको ढोका र डिक्कीमा फल्स बटम बनाई लुकाई छिपाई ल्याएको अवस्थामा प्लाष्टिकले बेरिएको लागुऔषध गाँजा १३ वटा प्याकेट तौल गर्दा ८० किलो १२० ग्राम रहेको र गाडी चालक जिल्ला गोर्खा, पालुङटार नगरपालिका-१० अन्दाजी २८ वर्षीय मधुसुदन अधिकारी र गाडीमा सवार जिल्ला सिन्धुली, दुधौली नगरपालिका-८ बस्ने अन्दाजी २५ वर्षीय नवराज खड्कालाई लागुऔषध सहित नियन्त्रणमा लिई थप अनुसन्धान कार्य भईरहेको छ ।

विषादी सेवनबाट एकको मृत्यु

२०८२-०२-१७

मकवानपुर, थाहा नगरपालिका-९, चित्लाङ बस्ने अन्दाजी ७६ वर्षीया केदार गोपाल बलामी आफ्नै घरमा नाम नखुलेको विषादी सेवन गरी बिरामी भई उपचारको लागी मनमोहन अस्पताल काठमाण्डौमा लगि उपचार भईरहेकोमा निजको उपचारको क्रममा मृत्यु भएको छ । सो घटना सम्बन्धमा आवश्यक अनुसन्धान कार्य भईरहेको छ ।

लागुऔषध गाँजा सहित मानिस नियन्त्रणमा

२०८२-०२-१६

सिन्धुली हरिहरपुरगढी गाउँपालिका-०२ झनझने स्थित मदनभण्डारी राजमार्गमा रहेको प्रहरी चेकपोष्टमा खटिएको प्रहरी टोलीले चेकजाँच गर्ने क्रममा हेटौंडाको कुलेखानीबाट सिन्धुली तर्फ आउँदै गरेको जिल्ला रौतहट गरुडा नगरपालिला-०४ बस्ने अन्दाजी वर्ष १९ को गोपाल साहले चलाएको प्र.२-०३-००१ च ५६७१ नम्बरको बलेरो पिकअपमा लुकाई-छिपाई ल्याएको अन्दाजी १०७.११ के.जि. लागूऔषध गाँजा बरामद गरिएको छ । उक्त बरामद गाँजा सहित गाडी र चालकलाई नियन्त्रणमा लिई थप अनुसन्धान कार्य भई रहेको छ ।

मानिस झुण्डी मृत अवस्थामा फेला

२०८२-०२-१६

मकवानपुर बकैया गाउँपालिका-०३ हात्तिसुडे स्थित बस्ने रिकेश दाहालले संचालन गरेको दाजुभाई मोटरसाईकल ग्यारेजमा काम गर्ने जिल्ला रौतहट ईशानाथ नगरपालिका-५ घर भएको अन्दाजी वर्ष २० को शेख अरवास सोही ग्यारेजको सिलिङ पंखामा सेतो कपडाको पासो लागाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

मानिस झुण्डि मृत अवस्थामा फेला

२०८२-०२-१५

सिन्धुली कमलामाई नगरपालिका-११ सानो आपडाँडा बस्ने वर्ष ४२ को सोम बहादुर थिङ आफ्नै घरको आफु सुत्ने कोठाको बलोमा सलको पासो लगाई झुण्डी मृत अवस्थामा फेला परेको हो । घटनास्थल मुचुल्का सहित थप अनुसन्धान कार्य भई रहेको छ ।

मानिस मृत अवस्थामा फेला

२०८२-०२-१५

चितवन भरतपुर महानगरपालिका-२९ बालेटार बस्ने ईश्वरी आचार्यको छोरा वर्ष ४४ को राजेन्द्र आचार्य आफ्नै घरको आगनको भितामा अडेस लागि मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भइरहेको छ ।