मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पुर्व पश्चिम सडक खण्डमा प्रहरी चौकी रातोमाटेबाट प्रहरी सहायक निरीक्षकको कमाण्डमा खटिएको प्रहरी टोलीले चेकिङ गर्ने क्रममा हेटौंडाबाट पथलैया तर्फ जाँदै गरेको ना १ ह ८३२४ नम्बरको अटोलाई रोकी  चेकजाँच गर्ने क्रममा उक्त अटोको पछाडी भागमा लुकाई छिपाई ल्याएको ३ पोका ३१ किलो लागुऔषध गाँजा फेला परेको । उक्त लागुऔषध गाँजा सहित जिल्ला मकवानपुर मनहरी गाउँपालिका-७, बस्ने वर्ष अन्दाजी ३३ को शंकर स्याङ्तान, सोहि बस्ने वर्ष अन्दाजी ४० को रामशरण प्रजा र अटोलाई नियन्त्रणमा लिई थप अनुसन्धानको लागी जिल्ला प्रहरी कार्यालय मकवानपुर पठाईएको ।