अवैध लागुऔषध सहित मानिस नियन्त्रणमा

२०८०-१०-०६

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेक प्वाईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले बिरगंज तर्फबाट हेटौंडा तर्फ आउँदै गरेको बागमती प्रदेश ०१-००६ ख ४८८४ नम्बरको यात्रुबाहक माईक्रो बसलाई रोकी चेकजाँच गर्ने क्रममा उक्त माईक्रो बसमा सवार देश भारत पश्चिम चम्पारन भाङगा थाना जिल्ला बेतिया घर भई हाल जिल्ला पर्सा, रङपुरटाडी स्थित मिठाई पसल संचालन गर्दै आएको अन्दाजी ४० वर्षीय जगु साह र संगै सवार देश भारत जिल्ला मझपपुर मिनापुर थाना मस्ताफा ग्राम बस्ने अन्दाजी ४० वर्षीया शाहिल देवीले बोकेको झोला चेकजाँच गर्दा लागुऔषध अफिम जस्तो देखिने पदार्थ अन्दाजी १ किलोग्राम फेला पारी लागुऔषध सहित निजहरूलाई नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

मकवानपुरमा झुण्डी एक मानिसको मृत्यु

२०८२-०३-२७

मकवानपुर हेटौँडा उपमहानगरपालिका-१२ सिग्रेनी गोले टोल बस्ने वर्ष अन्दाजी ६२ को लाल बहादुर गोलेले आफ्नै घर देखी अन्दाजी २० मिटर टाढा आफ्नै बारीमा रहेको आपँको रुखमा नाइलनको डोरीको पासो लगाई झुण्डी मृत अवस्थामा फेला परेको हो । घटनास्थल मुचुल्का सहित थप अनुसन्धान कार्य भई रहेको छ ।

मानिस झुण्डी मृत्यु

२०८२-०३-२६

कालिकोट, खाँडादेवी गाउँपालिका-१० घर भई हाल जिल्ला मकवानपुर, हेटौंडा उपमहानगरपालिका-१० TCN रोड स्थित दिदिको घरमा बस्ने वर्ष अन्दाजी १९ को तर्क बहादुर शाही दिदिको घर देखि अन्दाजी ५०० मिटर पश्‍चिम तर्फ रहेको निर्माणाधिन घरको भूई तलाको कोठामा प्लाष्टिकको पाईपमा नरिवलको डोरीको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

मकवानपुरमा मानिस झुण्डी मृत्यु

२०८२-०३-२५

मकवानपुर, हेटौंडा उपमहानगरपालिका-३, तिनताप्के स्थित लेवट सामुदायिक वनमा हाल नामथर वतन नखुलेको अन्दाजी वर्ष ३५।४० को पुरुष व्यक्ति धाईरोको रूखको हाँगामा कपडाको सलको पासो लगाइ झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भइरहेको ।

प्रदेश स्तरीय सुरक्षा गोष्ठी सम्पन्न ।

२०८२-०३-२४

बागमती प्रदेश, धुलिखेल, काभ्रेपलाञ्चोक: आज मिति २०८२।०३।२४ गते तालुक नेपाल सरकार गृह मन्त्रालय र बागमती प्रदेश सरकार आन्तरिक मामिला तथा कानून मन्त्रालयको संयुक्त आयोजनामा धुलिखेल, काभ्रेपलाञ्चोकमा संचालन भएको एक दिवसीय “प्रदेशस्तरीय सुरक्षा गोष्ठी” कार्यक्रम बागमती प्रदेशका आन्तरिक मामिला तथा कानून मन्त्री माननीय सुरज चन्द्र लामिछानेज्यूको प्रमुख आतिथ्यता र श्रीमान गृह सचिव गोकर्णमणि दुवाडी ज्यूको अध्यक्षतामा सम्पन्न भएको छ । उक्त कार्यक्रममा, विशिष्ट अतिथि बागमती प्रदेशका प्रमुख सचिव भुपाल बरालज्यू, नेपाली सेनाका बलाधिकृत रथी निर्मल कुमार थापाज्यू, नेपाल प्रहरीका संगठन प्रमुख प्रहरी महानिरीक्षक दिपक थापाज्यू, सशस्त्र प्रहरी बल नेपालका प्रमुख सशस्त्र प्रहरी महानिरीक्षक राजु अर्यालज्यू, राष्ट्रिय अनुसन्धान विभागका मुख्य अनुसन्धान निर्देशक हुतराज थापाज्यू, NDRRMA कार्यकारी प्रमुख ई. दिनेश भट्टज्यू, नेपाल सरकार, गृह मन्त्रालय, सुरक्षा समन्वय महाशाखा प्रमुख, सहसचिव श्री रामचन्द्र तिवारीज्यू, प्रदेश सुरक्षा समितिका पदाधिकारीज्यूहरू, बागमती प्रदेशका (१३) वटै जिल्लाका जिल्ला सुरक्षा समितिका पदाधिकारीज्यूहरू, सिनियर प्रहरी अधिकृतज्यूहरू लगायत विभिन्न संञ्चार माध्यममा आबद्ध पत्रकार तथा सञ्चारकर्मीज्यूहरुको उपस्थित रहेको थियो । कार्यक्रममा बागमती प्रदेश अन्तर्गतका १३ वटै जिल्लाहरूको जिल्ला प्रशासन कार्यालयका प्रमुख जिल्ला अधिकारीज्यूहरूले आ-आफ्नो जिल्लाको समग्र विद्यमान सुरक्षाको अवस्था, समस्या तथा चुनौती र आगामी कार्यभार लगायतका विषयमा प्रस्तुतीकरण राख्नु भएको थियो । कार्यक्रमको अन्त्यमा बागमती प्रदेशका आन्तरिक मामिला तथा कानून मन्त्री माननीय सुरज चन्द्र लामिछानेज्यूबाट “प्रदेश स्तरीय सुरक्षा गोष्ठी” मा बागमती प्रदेश अन्तर्गतका १३ वटा जिल्लाका प्रमुख जिल्ला अधिकारीज्यूहरू एवं अन्य अतिथिज्यूबाट राख्नु भएका विषयवस्तुका सम्बन्धमा आवश्यक निर्देशन सम्बोधन पश्चात कार्यक्रमका अध्यक्ष श्रीमान् गृह सचिव गोकर्णमणि दुवाडीज्यूको मन्तव्य सहित “प्रदेशस्तरीय सुरक्षा गोष्ठी” कार्यक्रम सम्पन्न भएको थियो ।

मकवानपुरमा मानिस झुण्डी मृत्यु

२०८२-०३-२४

मकवानपुर, राक्सिराङ गाउँपालिका-३, पलासे बस्ने अन्दाजी ७० वर्षीया इन्द्र कुमारी थापा मगर आफ्नै घरको कोठामा काठको बलोमा नाईलन डोरीको पासो लगाई झुण्डी मृत्यु भएको छ । घटनास्थल मुचुल्का सहित थप अनुसन्धान कार्य भईरहेको छ ।

त्रिशुली नदीको किनारमा बेवारिसे लास फेला

२०८२-०३-२४

धादिङ, गजुरी गाउँपालिका-६, बेल्खु स्थित त्रिशुली नदिको किनारमा हाल नाम थर वतन नखुलेको अन्दाजी ३५/४० वर्षीय जस्तो देखिने पुरुष व्यक्तिको लास फेला परेको छ । सो घटना सम्बन्धमा आवश्यक अनुसन्धान कार्य भईरहेको छ ।