अवैध लागुऔषध सहित मानिस नियन्त्रणमा

२०८०-०७-१८

A
A^-
A⁺

मकवानपुर हेटौडा उपमहानगरपालिका-१९ बस्तिपुर स्थितमा डेरा गरी बस्ने वर्ष २१ को सन्तेन लामाले डेरामा लागुऔषध लुकाई छिपाई राखेको छ भन्ने विशेष सुचनाको आधारमा प्रहरी चौकी लेवर्टबाट टोली खटी गई चेक जाँच गर्दा लुकाई छिपाई राखेको स्टेगन ४७ पत्ता १७ ट्याब्लेट (४८७ ट्याब्लेट), १४ पत्ता २ ट्याब्लेट (१४२ ट्याब्लेट), नगद रू १५,२००(पन्ध्र हजार दुई सय) र एक थान मोवाईल फेला पारी नियन्त्रणमा लिई थप अनुसन्धानको लागी लागुऔषध सहित निजलाई नियन्त्रणमा लिईएको छ ।

सम्बन्धित समाचार

लागुऔषध सहित एक जना पुरूष व्यक्ति नियन्त्रणमा

२०८२-१०-१४

चितवन, भरतपुर महानगरपालिका-१२, मिलनचोक स्थित प्रहरी चौकी नारायणगढ बसपार्कबाट प्रहरी हवल्दारको कमाण्डमा खटिएको गस्ती टोलीले शंका लागि चेकजाँच गर्ने क्रममा जिल्ला मकवानपुर राक्सिराङ गाउँपालिका-६, बस्ने वर्ष ४५ को चन्द्रबहादुर प्रजाको साथबाट कालो झोला २ वटामा लागुऔषध गाँजा अन्दाजी १५ किलोग्राम र नगद नेपाली रुपैयाँ रु ८१५ मोवाइल थान २ फेला परेको । निजलाई लागुऔषध सहित नियन्त्रणमा लिई आवश्यक अनुसन्धानको लागि जिल्ला प्रहरी कार्यालय चितवनमा पठाइएको ।

लागुऔषध सहित २ जना पुरूष व्यक्ति नियन्त्रणमा

२०८२-१०-१३

चितवन, कालिका नगरपालिका-४, छिमेकी टोल स्थित प्रहरी चौकी जुटपानीबाट खटिएको प्रहरी निरीक्षकको गस्ती टोलीले भरतपुरबाट जुटपानी तर्फ आउँदै गरेको प्रदेश ३-०३-००२ प २८८३ नम्बरको मोटरसाइकल चेकजाँच गर्ने क्रममा उक्त मोटरसाइकलमा सवार जिल्ला चितवन भरतपुर महानगरपालिका-१०, बस्ने वर्ष ४६ को बसन्तराज गोतामे र सोहि ईच्छाकामना गागँपालिका-१, बस्ने वर्ष ५० को तिलकराज गिरीको साथबाट लागुऔषध गाँजा अन्दाजी ३ किलोग्राम फेला परेको । निजहरूलाई मोटरसाइकल र लागुऔषध सहित नियन्त्रणमा लिई थप अनुसन्धानको लागि इलका प्रहरी कार्यालय टाँडीमा पठाईएको ।

सिन्धुपाल्चोकमा झुण्डी मृत्यु

२०८२-१०-१२

सिन्धुपाल्चोक, बलेफी गाउँपालिका-८, भिर्केचोप्का बस्ने सन्चमान तामाङको श्रीमती वर्ष अन्दाजी ४४ की चरी माया तामाङ आफ्नै घरको सुत्ने कोठाको दलिनमा पछेउरीको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

काभ्रेमा झुण्डी २५ वर्षीय महिलाको मृत्यु

२०८२-१०-११

काभ्रे, रोशी गाउँपालिका-१२, घर भई हाल जिल्ला काभ्रे बनेपा नगरपालिका-६, बुडोल स्थित भगवती पोखरेल दाहालको घरमा डेरा गरी बस्ने सरोज भुजेलको श्रीमती अन्दाजी वर्ष २५ की करुणा पहरीले आफ्नै कोठाको झ्यालको फलामको ग्रिलमा कपडाको पछ्यौरिको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

लागुऔषध सहित २ जना पुरूष व्यक्ति नियन्त्रणमा

२०८२-१०-१०

मकवानपुर, हेटौंडा उपमहानगरपालिका-११, थानाभर्‍याङ सहकारी भवन स्थित सडक छेउमा लागुऔषध बिक्रि बितरण भईरहेको भन्ने सुचनाको आधारमा जिल्ला प्रहरी कार्यालय मकवानपुरबाट प्रहरी नायव निरीक्षकको कमाण्डमा खटिएको प्रहरी टोलिले जिल्ला मकवानपुर हेटौंडा उपमहानगरपालिका-११, बस्ने वर्ष अन्दाजी २२ को छिरिङ लो को साथबाट २ वटा प्लाष्टिकका पुरियामा लागुऔषध खैरो हेरोईन जस्तो देखिने पदार्थ तौल गर्दा (२५० मिलि ग्राम भएको) र निज संगै रहेको सोहि हेटौंडा उपमहानगरपालिका-१९, बस्ने वर्ष अन्दाजी २९ को बिनोद राज जिम्बालाई समेत लागुऔषध सहित नियन्त्रणमा लिई जिल्ला प्रहरी कार्यालय मकवानपुरमा ल्याई राखिएको ।

काभ्रेमा झुण्डी एक २२ वर्षीय पुरूषको मृत्यु

२०८२-१०-०६

मकवानपुर, बागमती नगरपालिका-१, घर भई हाल जिल्ला काभ्रे रोशि गाउँपालिका-७, चारसयबेशी स्थितमा रहेको मंगल क्रसर उघोगमा काम गर्ने कामदार अन्दाजी वर्ष २२ को यमराज सेन्चुरी सोही उद्योगको फलामको डण्डीमा तन्नाको पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।