मकवानपुर:- सवारी दुर्घटनामा परी मृत्यु

२०७८-०८-०१

A
A^-
A⁺

मङ्सिर १, हेटौडा उपमहानगरपलिका-९ हनुमानगेट नजिक पुर्वपश्चिम सडकखण्डमा रातोमाटेबाट हेटौडा तर्फ आउँदै गरेको ना ३ च ११९३ नं.को बलेरो गाडीले बिपरित दिशाबाट जाँदै गरेको ना ३४ प ६०४४ नं.को मोटरसाईकललाई ठक्कर दिदा मोटरसाईकल चालक कैलाश गाउँपालिका-४ कालिकाटार बस्ने वर्ष २४ को अबिरल रिजाल गम्भिर घाईते भई उपचारको लागी हेटौडा अस्पताल पुर्‍याउन साथ डाक्टरले मृत घोसित गरेको । बलेरो, बलेरो चालक र मोटरसाईकल प्रहरीको नियन्त्रणमा रहेको, लाशजाँच मुचुल्का सहित आवश्यक अनुसन्धान कार्य भईरहेको ।

सम्बन्धित समाचार

आगलागीबाट लाखौंको क्षति

२०७९-०८-१६

नुवाकोट, तादी गाउँपाललिका-५ बाउनबेशी स्थित बस्ने प्रकाश राज भण्डारीको ईलेक्ट्रोनिक टि.भि. पसलमा अचानक करेन्ट सर्ट भई आगोलागी भएको छ । आगलागीबाट पसलमा रहेको ईलेक्ट्रोनिक सामानहरु, टि.भि. र पसल जलि पुर्ण रुपमा क्षती हुँदा अन्दाजी मुल्य रु.९,१७,५००(नौ लाख सत्र हजार पाँच सय) बराबरको सामानहरुको क्षती भएको छ । यस घटनाको सम्बन्धमा थप अनुसन्धान कार्य भईरहेको छ ।

सवारी दुर्घट्ना

२०७९-०८-१६

दोलखा, भिमेश्वर नगरपालिका-३, बस पार्क स्थित चरीकोट बाट जिलु तर्फ जाँदै गरेको बा ७८ प ५६१७ नं. को स्कुटि र बिपरीत दिसा बाट आउँदै गरेको बागमती प्रदेश-३-०२००६प ९७९७ नं. को मोटरसाईकल एक आपसमा ठक्कर खाई दुर्घट्ना हुँदा स्कुटि चालक जिल्ला दोलखा भिमान नगरपालिका-३, बस्ने ३३ वर्षीय बिनिता घिमिरे घाईते भई चरिकोट अस्पतालमा सामान्य उपचार पश्चात थप उपचारको लागि काठमाण्डौ पठाईएको । अवस्था बाँया खुट्टा भचिएको । दुबै सवारी साधन, मोटरसाईकल चालक प्रहरी चौकी सातदोबाटो को नियन्त्रणमा ।

झुण्डी मृत्यु

२०७९-०८-१६

काभ्रे, पाँचखाल नगरपालिका-११, चैनपुर पौवा स्थित बस्ने ७० वर्षीय बलराम परियार आफ्नै घर बाट १०० मिटर दक्षिण तर्फ रहेको आँपको रूखमा नाईलनको डोरीले घाँटीमा पासो लगाई झुण्डी मृत अवस्थामा फेला परेको । घटनास्थल मुचुल्का सहित आवश्यक अनुसन्धान कार्य भईरहेको ।

नेपाली सेनाका शिक्षार्थी अधिकृतहरूलाई प्रशिक्षण सम्पन्न

२०७९-०८-१६

नेपाली सेनाको श्री नेपाली सैनिक स्टाफ कलेजका शिक्षार्थी अधिकृतहरूलाई प्रशिक्षण कार्यक्रम सम्पन्न भएको छ । बागमती प्रदेश प्रहरी कार्यालय, हेटौंडामा आज आयोजित एक कार्यक्रमका बिच प्रहरी उपरीक्षक गौतम मिश्रले बागमती प्रदेश प्रहरीको समग्र वस्तुस्थितीको जानकारी गराउँदै जिम्मेवारीको क्षेत्र, प्रहरी कामकारबाही तथा शान्ति सुरक्षा र सहकार्यको बारेमा जानकारी प्रदान गर्नुभएको हो । प्रशिक्षण पश्चात शिक्षार्थी अधिकृतहरूले राख्नुभएको बिभिन्न जिज्ञासाको समेत प्रहरी उपरीक्षक मिश्रले सामाधान गर्नुभएको थियो । कार्यक्रममा नेपाली सेनाका ४१ जना, नेपाल प्रहरीबाट १ जना र राष्ट्रिय अनुसन्धान विभागबाट १ जना गरी जम्मा ४३ जना शिक्षार्थी अधिकृत तथा ३ जना नेपाली सैनिक स्टाफ कलेजका शिक्षक अधिकृतहरूको सहभागिता रहेको थियो ।

कारभित्र मानिस मृत अवस्थामा फेला

२०७९-०८-१५

चितवन, भरतपुर महानगरपालिका-२० स्थित थारु चुलो होटलको पार्किङमा रहेको बा१८च ५७५० नं. को कारमा कार चालक जिल्ला नुवाकोट लिखु गाउँपालिका-५ थानसेनबेशी बस्ने अन्दाजी ३७/३८ वर्षीय बिनोद मानन्धर मृत अवस्थामा फेला परेका छन । उक्त कारमा ३ जना मानिसहरु आई २ जना होटलको रुममा बसेको र कार चालक खाना खाई होटलको पार्किङमा कार पार्कीङ गरी कारमै सुतेकोमा निज चालक बिनोद मानन्धर कार भित्रै मृत अवस्थामा फेला परेका थिए । यस घटनाको सम्बन्धमा आवश्यक थप अनुसन्धान कार्य भईरहेको छ ।

सवारी दुर्घटना

२०७९-०८-१५

काभ्रे, रोशि गाउँपालिका-८, गिम्दी बेशी स्थित बि.पी. राजमार्गमा भकुण्डेबेशी बाट मंगलटार तर्फ जाँदै गरेको बा ९३ प १६०७ नं.को मोटरसाईकलमा सवार २ जना आफै अनियन्त्रित भई सडकको डिभाईडरमा ठोकिन गई उपचारको लागि स्थानिय मेडिकलमा उपचार गरि थप उपचारको लागि धुलिखेल अस्पताल पठाईएको,मोटरसाईकल चालक जिल्ला काभ्रे नमोबुद्द नगरपालिका-६, बस्ने २२ वर्षीय सुदिप चापागाई लाई शरिरमा चोट लागेको,पछाडी सवार २४ वर्षीय हरी थारू टाउको ,कानमा चोट,बोल्न नसक्ने अवस्था रहेको । घटना सम्बन्धी थप अनुसन्धान कार्य भईरहेको ।