नेपाल सरकार गृह-मन्त्रालय (माननीय मन्त्रीस्तर)को मिति २०७९।१२।१७ गतेको निर्णायानुसार बागमती प्रदेश प्रहरी कार्यालय, हेटौँडामा सरुवा भई आउनुभएका प्रहरी नायव महानिरीक्षक किरण राणाले प्रदेश प्रहरी प्रमुखको रूपमा आफ्नो पदभार ग्रहण गर्नुभएको छ । बागमती प्रदेश प्रहरी कार्यालय, हेटौँडामा आज आयोजित एक कार्यक्रमका बीच प्रदेश प्रहरी प्रमुख राणाले आफ्नो पदभार ग्रहण गर्नुको साथै प्रदेश प्रहरीको बस्तुस्थितिको बारेमा जानकारी लिनुभएको हो । पदभार ग्रहण पश्चात् प्रदेश प्रहरी प्रमुख राणाले बागमती प्रदेश प्रहरी कार्यालय, हेटौँडामा कार्यरत सकल दर्जाका प्रहरी कर्मचारीहरूलाई आवश्यक विभागिय निर्देशन समेत दिनुभएको छ ।