सामान्य परिचय

      मध्य क्षेत्रीय प्रहरी कार्यालय मिति २०२४/०३/२३ गते काठमाण्डौ स्थित भृकुटीमण्डपमा स्थापना भएको हो । तत्काल २६ जना प्रहरी कर्मचारीहरूको दरबन्दी रहेको यस कार्यालयमा प्रथम क्षेत्रीय प्रहरी प्रमुख प्र.ना.म.नि. मान बहादुर राई हुनु भएको हो । २०५४ साल चैत्र महिनामा काठमाण्डौ स्थित रानीपोखरीमा नयाँ कार्यालय भवन निर्माण भई कार्यालय संचालन गरिएकोमा तत्कालीन श्री ५ को सरकारको मिति २०५४/०५/०५ गतेको निर्णयले मकवानपुर जिल्लाको हेटौडा स्थित हुप्रा चौरमा कार्यालय स्थानान्तरण भई मिति २०५४/०५/११ गते भाडाको भवनमा कार्यालय स्थापना गरी कार्य प्रारम्भ गरिएको हो । मिति २०५५।१२।२९ गते जिल्ला मकवानपुर, हेटौडा-११ स्थित थानाभर्‍याङ्गमा यस कार्यालयको आफ्नै भवन निर्माण भई हालसम्म कार्य संचालन गरिदै आएको  ।

      नेपाल सरकार मन्त्रिपरिषदको मिति २०७४।०४।३१ को निर्णयले तत्कालिन मध्य क्षेत्रीय प्रहरी कार्यालयलाई बागमती प्रदेश प्रहरी कार्यालयको रुपमा रुपान्तरण गरिएको हो साथै अञ्चल प्रहरी कार्यालयहरूलाई नेपाल प्रदेश प्रहरी कार्यालयमा रुपान्तरण गरिएको । यस कार्यालय मातहत बागमती प्रदेशका उपत्यकाका ३ जिल्लाहरू (काठमाण्डौ, ललितपुर तथा भक्तपुर) बाहेक १० जिल्लाहरू रहेका छन् ।

     यस कार्यालयको चार किल्ला पूर्व र दक्षिणमा राप्ती खोला, उत्तरमा लोकमार्ग र पश्चिममा बागमती प्रदेश दंगा नियन्त्रण प्रहरी गण, हेटौडा रहेको छ । यस कार्यालय मकवानपुर जिल्ला, हेटौडा उप-महानगरपालिका वडा नं-११, थानाभर्‍याङ्ग स्थित लोकमार्गबाट २०० मिटर दक्षिण तर्फ अवस्थित रहेको छ । यस कार्यालयको भवन पश्चिम मोहडा, ३ तल्ला र २१ कोठाहरु रहेका छन । कार्यालय भवनको अगाडि दुर्गा मन्दिर, मेनगेट रहेको छ भने केही दक्षिण पश्चिम तर्फ कार्यालय प्रमूखको निवास र पूर्वपट्टी व्यारेक, मेश, संचार, सवारी मर्मत, हात हतियार मर्मत, मोटर ग्यारेज रहेको छ ।

      यस कार्यालयबाट प्रत्यक्ष मातहत बागमती प्रदेश दंगा नियन्त्रण प्रहरी गण हेटौडा, जि.प्र.का. १०, जि.ट्रा.प्र.का. १० लगायत अन्य मातहत प्रहरी कार्यालयहरूको काम-कारवाही, परिचालन र प्रशासनिक गतिविधिहरूको अनुगमन तथा नियन्त्रण गरिन्छ । हाल यस कार्यालयको कूल दरबन्दी संख्या-२३८ जना रहेको छ भने मातहत समेतको कूल दरबन्दी संख्या ७,३०४ रहेको छ ।

प्रदेश प्रहरी कार्यालयका हाल सम्मका कार्यालय प्रमुखहरू

तत्कालिन मध्य क्षेत्रीय प्रहरी कार्यालयका कार्यालय प्रमुखहरू