चितवन, कालिका नगरपालिका-१ डेरीचोक स्थितबाट प्रहरीले नक्कली नोट कारोबारमा संलग्न १ जनालाई पक्राउ गरेको छ । पक्राउ पर्नेमा मकवानपुरको मनहरी गाउँपालिका १ गोगनपानी घर भई हाल चितवनको कालिका नगरपालिका-१ स्थितमा डेरा गरी बस्ने  ४२ वर्षीया गंगा थिङ्ग रहेकी छिन । निज थिङ्गले नक्कली नेपाली नोट कारोबार गरी रहेको छ भन्ने विशेष सुचनाको आधारमा प्रहरीको टोलीले निजको कोठामा खानतलासी गर्दा १ लाख ३६ हजार  नक्कली नोट बरामद गरेको हो । पक्राउ परेका थिङ्को साथबाट नक्कली जस्तो देखिने रु. १ हजारको नेपाली नोट १० थान, राष्ट्रिय वाणिज्य बैंकको १० लाखको चेक, मोवाईल १ थान र ल्यापटप १ थान बरामद भएको थियो । यस घटना बारे थप अनुसन्धान भईरहेको छ ।