मकवानपुर, हेटौडा उप-महानगरपालिका-१७ सालकपार्क स्थित प्रहरीले बिशेष सुचनाको आधारमा अबैध अमेरिकी डलर देखाई ठगी गर्ने ४ जना मानिसहरुलाई नियन्त्रणमा लिएको छ । प्रहरीको नियन्त्रणमा आउने जिल्ला सिन्धुपाल्चोक बाह्बिसे नगरपालिका-३ बस्ने बर्ष अन्दाजी २१ को सोम बहादुर बम्जन, सोहि बस्ने बर्ष अन्दाजी ३३ को दिबस बम्जन, सोहि नगरपालिका-४ बस्ने बर्ष अन्दाजी २८ को कान्छा तामाङ र त्रिपुरासुन्दरी गाउँपालिका-३ बस्ने बर्ष अन्जी २८ को सुक्र तामाङ रहेका छन । निजहरुले प्रयोग गरेको बा.५० प ९३७२, बा.प्र.०२-०३४ प ४२८७, बा.प्र.०२-०१९ प ९६२६ नं.को मोटरसाईकल, अमेरिकी डलर १७४१ र नेपाली रु.६,२१०।- (छ हजार दुई सय दश) सहित नियन्त्रणमा लिएको छ । यस घट्नाको सम्बन्धमा आवश्यक अनुसन्धान कार्य भईरहेको छ ।