मकवानपुर, हेटौडा उप-महानगरपालिका-१९ बस्तीपुर स्थित प्रहरीले विशेष सूचनाको आधारमा दुई जनालाई लागुऔषध सहित नियन्त्रणमा लिएको छ ।

ईलाका प्रहरी कार्यालय नेवारपानीबाट प्र.स.नि.को कमाण्डमा र जिल्ला प्रहरी कार्यालय मकवानपुरबाट खटिएको प्रहरीको सयुक्त टोलिले हेटौडा उप-महानगरपालिका-१९ बस्तीपुर स्थित लागुऔषध बिक्री बितरण भैरहेको बिशेष सुचनाको आधारमा मनहरी गाउँपालिका-३ बस्ने ३४ वर्षीय रबि घलान र सोहि बस्ने ३० वर्षीय बिनोद बल लाई नियन्त्रणमा लिएको हो । निजहरुको साथबाट लागुऔषध वानरेक्स ३४ पिस १००ml फेला परेको थियो । निजहरुलाई नियन्त्रणमा लिन खोज्दा लुकाई राखेको ह्याण्ड नक प्रहरी माथी प्रहार गर्न खोज्दा प्रहरीले सुरक्षार्थ पेस्तोलबाट १ राउण्ड हवाई फायर गरी निजहरुलाई नियन्त्रणमा लिएको हो । प्रहरीले आवश्यक कार्वाहीको लागी दुबै जनालाई नियन्त्रणमा लिई जिल्ला प्रहरी कार्यालय मकवानपुरमा थप अनुसन्धान कार्य   गरिरहेको छ ।