लागुऔषध सहित मानिस नियन्त्रणमा

२०७९-०१-१३

A
A^-
A⁺

सिन्धुली, कमलामाई नगरपालिका-९ भिमान चेकपोईन्ट स्थित बि.पि.राजमार्ग सडक-खण्डमा ईलाका प्रहरी कार्यालय, भिमानबाट प्रहरी हवल्दारको कमाण्डमा खटिएको ट्राफिक सहितको ५ जना प्रहरी टोलीले सवारी साधनहरू चेकजांच गर्ने क्रममा बिराटनगरबाट काठमाण्डौं तर्फ आउदै गरेको बा.४.ख ५०४९ न.को हाईसमा सवार जिल्ला सप्तरी कन्चनरुप नगरपालिका-४ बस्ने २१ वर्षीय सन्तोष हलुवाईले बोकेको झोला भित्र लुकाई छिपाई ल्याएको निम्न अनुसारको लागु औषध जस्तो देखिने ट्याबलेट र अबैध लागुऔषध गाँजा सहित निज सन्तोष हलुवाईलाई नियन्त्रणमा लिई आवश्यक अनुसन्धान कार्य भईरहेको छ ।

निम्न

१) NITRAVET-10 लेखिएको ठुलो १३ पत्तामा १ पत्तामा ३० पिसको दरले जम्मा ३९० पिस हुनुपर्नेमा १ पत्तामा ४ वटा खालि रहेको गरी जम्मा ३८६ पिस रहेको र सानो २ पत्तामा १ पत्तामा १५ पिसको दरले ३० पिस गरी जम्मा ४१६ पिस रहेको ।

२) Nitrosun-10 लेखिएको ठुलो ५ पत्तामा २० पिसको दरले जम्मा १०० र सानो १ पत्तामा ५ पिस रहेको जम्मा १०५ पिस रहेको ।

३) SPASMO PROXYVON PLUS ठुलो ३ पत्तामा २४ पिसको दरले ७२ पिस र सानो १ पत्तामा ८ पिस रहेको गरी जम्मा ८० पिस रहेको ।

४) अबैध ला.औ.गांजा पत्रिकामा पोका पारी ल्याएको १८ वटा पोकामा जम्मा तौल ९३ ग्राम २२० मिलिग्राम रहेको ।

५) पत्रिकाको पोकामा बेरेर ल्याएको ३ पिस खुल्ला ला.औ. जस्तो देखिने सेतो रङगको ट्याब्लेट समेत रहेको ।

६) जम्मा २४ पत्तामा ६०४ पिस ३पिस खुल्ला सहित

सम्बन्धित समाचार

फरार प्रतिवादी पक्राउ ।

२०८३-०६-२१

मकवानपुर, जिल्ला अदालत मकवानपुरको फैसलाले १ महिना कैद रु. ३,०००।– (तिन हजार) जरिवाना तोकिएको बैंकिङ कसुर (ठगी) मुद्धाको फरार प्रतिबादी जिल्ला मकवानपुर हेटौंडा उपमहानगरपालिका-०९ प्रगतिटोल बस्ने वर्ष अन्दाजी- ४० को बुद्धिलाल लो खोजतलाश गर्दै जाने क्रममा सोहि स्थान-०९ प्रगति चोकमा बसिरहेको अबस्थामा पक्राउ गरी आवश्यक थप अनुसन्धान कार्य भईरहेको ।

फरार प्रतिवादी पक्राउ

२०८३-०६-२०

मकवानपुर हेटौडा उपमहानगरपालिका ८ ओमनगर नजिकै बस्ने वर्ष अन्दाजी ३१ को राजकुमार खड्कालाई सुशान्त श्रेष्ठको जाहेरीले नेपाल सरकारको फैसला मिति २०८२।०२।१८ गतेको लगतै चोरी मुद्दामा फरार रहेका प्रतिवादीको २ वर्ष कैद रु.२०,०००।- जरिवाना रहेको फरार प्रतिवादिलाई निजकै घरबाट इलका प्रहरी कार्यालय पशुपतिनगर मकवानपुर र अस्थायी प्रहरी पोष्ट हरियालि मकवानपुरबाट खटिएको प्रहरी टोलीले नियन्त्रणमा लिएको छ ।

सवारी दुर्घटनामा चालकको मृत्यू ।

२०८३-०६-२०

चितवन, रत्ननगर नगरपालिका –०३ बेल्सीपुलस्थित पूर्व–पश्चिम राजमार्गमा ट्रकलाई ओभरटेक गर्ने क्रममा मोटरसाइकल ठोक्किँदा चालकको मृत्यु भएको छ । मिति २०८३।०६।२० गते बिहान करिब १०:३० बजेको समयमा शान्तिचोकबाट तरकारीचोकतर्फ जाँदै गरेको बा.प्र.०१–००३ क ८७२५ नम्बरको ट्रकलाई सोही दिशातर्फ जाँदै गरेको बा.प्र.०६००८ प ३५६३ नम्बरको मोटरसाइकलले ओभरटेक गर्ने क्रममा ट्रकमा ठोक्किएको थियो । दुर्घटनामा मोटरसाइकल चालक जिल्ला चितवन, रत्ननगर नगरपालिका –०१ बस्ने करिब २० वर्षीय ओशिक अन्सारी घाइते भएका थिए । उनलाई उपचारका लागि नयाँ मेडिकल कलेज, चितवन लगिएकोमा बिहान ११:०९ बजे चिकित्सकले मृत घोषणा गरेको हो । दुर्घटनापछि ट्रक र ट्रक चालक जिल्ला उदयपुर, रौतामाई गाउँपालिका –०९ बस्ने ३८ वर्षीय इन्द्रमान परियारलाई नियन्त्रणमा लिइएको छ ।उक्त दुर्घटनामा सम्बन्धमा थप अनुसन्धान भइरहेको छ ।

फरार प्रतिवादी नियन्त्रणमा।

२०८३-०६-१९

मकवानपुर, जिल्ला प्रशासन कार्यालय मकवानपुरको पत्र जाहेरीले वादी नेपाल सरकार प्रतिवादी जिल्ला मकवानपुर मकवानपुरगढी गाउँपालिका-०७ बतासे घर भई हाल ऐ.हेटौडा उप-महानगरपालिका-०९ H.I.D. बस्ने वर्ष अन्दाजी-४५ की देउ कुमारी पौडेल (स्याङतान) भएको दोहोरो नागरिकता मुद्धा (चालु मुद्धा) को फरार प्रतिवादी आफै जिल्ला प्रहरी कार्यालय, मकवानपुरमा उपस्थित हुन आएकोले निजलाई नियन्त्रणमा लिई थप आवश्यक अनुसन्धान कार्य भईरहेको ।

मानिस झुण्डी मृत अवस्थामा फेला

२०८३-०६-१९

जिल्ला रामेछाप मन्थली नगरपालिका-११ बरबोटे बस्ने वर्ष अन्दाजी ३० को लब आच्छामी आफ्नै घरको सुत्ने कोठाको दलिनमा खाँदा सलको पासो लागाई झुन्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।

लागुऔषध सहित मानिस नियन्त्रणमा ।

२०८३-०६-१८

मकवानपुर हेटौंडा उपमहानगरपालिका-५ सानोपोखरा बस्ने वर्ष अन्दाजी ३१ की सुष्मा तिमल्सिनाले बिक्री वितरण गर्ने उद्देश्यले घरमा लागूऔषध खैरो हिरोइन लुकाई छिपाई राखेको छ भन्ने गोप्य सूचनाको आधारमा जिल्ला प्रहरी कार्यालय मकवानपुर र वडा प्रहरी कार्यालय सानोपोखरा हेटौंडा मकवानपुरबाट खटिएको संयुक्त प्रहरी टोलीले सोहि स्थानमा गई रितपूर्वक खानतलासी गर्दा निज सुत्ने गरेको कोठा भित्र कपडा राख्ने स्टिलको दराजमा लुकाई छिपाई राखेको अवस्थामा ३ ग्राम ८५० मिलिग्राम लागुऔषध खैरो हिरोईन जस्तो देखिने धुलो पदार्त फेला परेको हो । उक्त पदार्थ सहित निजलाई नियन्त्रणमा लिई थप अनुसन्धान कार्य भई रहेको छ ।