फरार प्रतिवादी पक्राउ ।

२०८३-०५-१७

A
A^-
A⁺

इलाका प्रहरी कार्यालय भीमफेदी मकवानपुरबाट प्रहरी निरीक्षकको कमाण्डमा खटिएको ४ जनाको टोलीले लागुऔषध ट्रामाडोल मुद्धामा १५ दिन कैद र रु.२,०००।–(दुई हजार) भई फरार रहेका प्रतिवादी घरमा रहेको भन्ने खबर प्राप्त भई खोज तलास गर्दै जाने क्रममा जिल्ला मकवानपुर भीमफेदी गाउँपालिका-६, सिमलटार बस्ने सुजन लामाको छोरा वर्ष अन्दाजी १८ को सन्दिप लामालाई निजकै घरबाट नियन्त्रणमा लिई आवश्यक कारवाहीको लागि जिल्ला पहरी कार्यालय मकवानपुर तर्फ पठाईएको ।

सम्बन्धित समाचार

लागुऔषध गाँजा सहित मानिस नियन्त्रणमा ।

२०८३-०६-२९

मकवानपुर, हेटौंडा उप-महानगरपालिका-१९ नेवारपानी स्थितमहेन्द्र राजमार्गमा मनहरी गाउँपालिका-९ रजैया बस्ने बर्ष अन्दाजी-५१ को सिताराम अधिकारी चामलको बोरा बोकि पैदल हिडिरहेको अवस्थामा प्रहरी गस्तिटोलीले सोधपुछ गरी चेकजाँच गर्दा उक्त चामलको बोरा भित्र लागुऔषध ३ किलो ग्राम गाँजा फेला परेको हुँदा निज मानिसलाई नियन्त्रनमा लिई थप अनुसन्धान कार्य भईरहेको ।

लागूऔषध गाँजा सहित ट्रक नियन्त्रणमा ।

२०८३-०६-२८

चितवन, भरतपुर महानगरपालिका-२९ जुगेडी स्थितमा काठमाडौँबाट पथलैया तर्फ जाँदै गरेको ना ५ ख ८६७६ नम्बरको ट्रकले गाँजा लोड गरी ल्याएको छ भन्ने गोप्य सूचनाका आधारमा जिल्ला प्रहरी कार्यालय चितवनवाट खटीएको टोलीले रोकी चेकजाँच गर्ने क्रममा उक्त ट्रकको पछाडिपट्टि ढालामा त्रिपालले छोपी ल्याएको अवस्थामा प्याकेट बनाई राखेको १० पोका तौल गर्दा १३६.५०० केजी गाँजा फेलापारी उक्त ट्रक र चालक जिल्ला मकवानपुर भीमफेदी गाउँपालिका वडा नम्बर-४ पान्द्राङ बस्ने वर्ष-२७ को रन्जित सुनारलाई नियन्त्रणमा लिई आवश्यक थप अनुसन्धान कार्यभईरहेको ।

अबैध सामान (खजुर) नियन्त्रणमा

२०८३-०६-२७

मकवानपुर, हेटौंडा उप-महानगरपालिका-१० शिबबुवा पेट्रोल पम्प नजिकै पुर्व पश्चिम सडकखण्डमा बिरगन्जबाट हेटौंडा बजार तर्फ आउँदै गरेको बा.प्र.०३ ००१ ज.१४८९ नम्बरको यात्रु बाहक EV गाडिलाई शंका लागि चेकजाँच गर्दा गाडि भित्र बिल नभएको खजुर ७७० प्याकेट (प्रति प्याकेट तौल ५०० ग्राम र प्रति प्याकेट मुल्य रु.३९९।-) गरि जम्मा मुल्य रु.३,०७,२३०।–(तिन लाख सात हजार दुई सय तिस रुपैँया) बराबरको सामान नियन्त्रणमा लिई आवश्यक थप अनुसन्धान कार्यभईरहेको ।

सवारी दुर्घटनामा चालक घाईते ।

२०८३-०६-२६

सिन्धुली, दुधौली नगरपालिका वडा नम्बर-५ वडा कार्यालय स्थित मदन भण्डारी राजमार्ग सडक खण्डमा काठमाण्डौंबाट धरानतर्फ जाँदै गरेको चालक जिल्ला भोजपुर भोजपुर नगरपालिका वडा नम्बर-९ बस्ने बर्ष २५ को संजिव राइले चलाएको बा.प्र.०२-०३-३०प०३८२ नम्बरको मोटरसाइकललाई सोही दिशा खनियार्खकबाट सिर्थोलीतर्फ जाँदै गरेको चालक जिल्ला सिन्धुली दुधौली नगरपालिका वडा नम्बर-५ बस्ने बर्ष २६ को डम्बर बहादुर तामाङले चलाएको ना ७ त ५३२९ नम्बर ट्याकटरले ठक्कर दिई दुर्घटना हुदाँ मोटरसाइकल चालक घाईते भई उपचार भइरहेको, ट्याक्टर चालक नियन्त्रणमा लिई थप आवश्यक अनुसन्धान कार्य भइरहेको ।

झुण्डी मृत्यु

२०८३-०६-२५

चितवन, भरतपुर महानगरपालिका-११ बाईपासरोड स्थितमा रहेको धुर्व भाई मोटरसाईकल वर्कशपको फलामको डण्डीमा जिल्ला पर्सा पोखरिया नगरपालिका-६ घर भई हाल सोही मोटरसाईकल वर्कशपमा काम गर्ने बर्ष २१ को अम्रुढ बैठा प्लाष्टिकको डोरीको पासो लगाई झुण्डी मृत्यु भएको भन्ने खबर प्राप्त हुना साथ मुचुल्का सहितको प्रहरी टोली खटिगई थप आवश्यक अनुसन्धान कार्य भईरहेको ।

लागुऔषध सहित मानिस नियन्त्रणमा ।

२०८३-०६-२४

नुवाकोट, शिबपुरी गाउँपालिका-७ गुरुङ गाँउ स्थित रहेको श्रीराम गुरुङको (ईटा सिमेन्टले बनेको जस्ताको छानो भएको दुई तले पक्की घर) सुकुटी खाजाघरमा काम गर्ने कामदार जिल्ला काठमाण्डौ तार्केश्वर नगरपालिका-४ गोलढुङ्गा बस्ने नरेन्द्र गुरुङको छोरा वर्ष अन्दाजी-२५ को फरिन्द्र गुरुङ झुण्डिएर मृत्यु भएको घट्नास्थलमा सँगै बस्ने जिल्ला स्याङजा चापाकोट नगरपालिका-८ बस्ने वर्ष अन्दाजी-२४ को सुमित अर्यालको कोठामा खानतलासी गर्ने क्रममा लागुऔषध जस्तो देखिने TROHMA ६० क्याप्सुल, ANTIKOF ७४ ट्याब्लेट र SPASFON २० ट्याब्लेट फेला पारी निज सुमित अर्याललाई लागुऔषध सहति घटनाको थप अनुसन्धान भईरहेको ।