मकवनपुर, जिल्ला प्रहरी कार्यालय मकवानपुरबाट खटिएको बिशेष टोलिले हेटौडा उपमहानगरपालिका-४ कपुर कम्प्लेक्स स्थित बाट र सोहि उपमहानगरपालिका-१० बस पार्क स्थितबाट लागुऔषध सहित दुई युवकलाई नियन्त्रणमा लिएको छ ।

जिल्ला प्रहरी कार्यालय मकवानपुरबाट खटिएको बिशेष टोलिले बा २४ प ४५९५ नं.को मोटरसाईकल लाई रोकि चेकजाँच गर्दा मोटरसाईकल चालक हेटौडा उपमहानगरपालिका-४ हुप्राचौर बस्ने २४ वर्षीय अनिल कुमार तामाङलाई लागुऔषध सहित नियन्त्रणमा लिएको हो । निजको साथबाट लागुऔषध नाईट्रोभेट- ४८ पिस फेला परेको थियो । साथै सोहि टोलिले हेटौडा उपमहानगरपालिका-१० बस पार्क स्थितमा बसिरहेको एक युवक माथि शंका लागी निजलाई चेकजाँच गर्दा जिल्ला बारा जितपुर सिमरा उपमहानगरपालिका-२२ बस्ने २३ वर्षीय अनिस तामाङ लाई समेत नियन्त्रणमा लिएको हो । निज अनिस तामाङको साथबाट लागुऔषध नाईट्रोभेट ६९ पिस फेला पारेको थियो । प्रहरीले दुबैलाई थप अनुसन्धनको लागी जि.प्र.का.मकवानपुर ल्याई आवश्यक कारबाही गरिरहेको छ ।