लागुऔषध सहित गाडी चालक नियन्त्रणमा

२०८२-०१-०९

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेकप्वाईन्ट स्थित पुर्व पश्चिम सडकखण्डमा प्रहरी चौकी रातोमाटे मकवानपुरबाट प्रहरी सहायक निरीक्षकको कमाण्डमा खटिएको चेकिङ टोलीले बारा अमलेखगन्जबाट काठमाण्डौतर्फ आउँदै गरेको मधेश प्रदेश ०३-००१ ज ४५१ नं. को (यात्रु नभएको खाली) सुमो गाडीलाई रोकी चेकजाँच गर्ने क्रममा उक्त गाडीको छत माथी रहेको बैकल्पिक टायर भित्र प्वाल पारी बोरामा लुकाई छिपाई ल्याएको लागुऔषध ONEREX लेखेको १०० ML को २२५ बोतल फेला परेको । गाडी र चालक जिल्ला पर्सा बहुदरमाई नगरपालिका-९, बस्ने वर्ष अन्दाजी २४ को मुमताज मियालाई नियन्त्रणमा लिई आवश्यक कार्बाहिको लागी तालुक जिल्ला प्रहरी कार्यालय मकवानपुर पठाएको ।

सम्बन्धित समाचार

लागुऔषध गाँजा सहित मानिस नियन्त्रणमा ।

२०८३-०७-११

मकवानपुर, हेटौंडा उपमहानगरपालिका-१५ पिपलबोट स्थित महेन्द्र राजमार्गमा प्रहरी चेकिङ टोलीले हेटौंडाबाट बारा तर्फ जाँदै गरेको BR1AP6073 नम्बरको भारतीय गाडीलाई शंका लागी चेकजाँच गर्दा गाडीको बोनट, चालक सिट तल खुट्टा राख्ने स्थान र चालकको साइडको सिट तल खुट्टा राख्ने स्थानमा फल्सबटम बनाई लुकाई छिपाइ राखेको अवस्थामा लागुऔषध गाँजा १९ पोका शुद्ध तौल ४२ के.जी. ४१० ग्राम प्याक गरीएको प्लास्टिक सहित फेला पारी गाडी चालक देश भारत जिल्ला बैसाली महुवा टोल बस्ने बर्ष अन्दाजी-२५ को बिर्जु कुमार राय र सोहि गाडीमा सवार सोही स्थान बस्ने बर्ष अन्दाजी-२६ को मन्जय कुमार राय लाई नियन्त्रणमा लिइ थप आवश्यक अनुसन्धान कार्य भईरहेको ।

लागुऔषध गाँजा सहित २ जना मानिस नियन्त्रणमा ।

२०८३-०७-११

लागुऔषध सहित मानिस नियन्त्रणमा ।

२०८३-०७-१०

चितवन, भरतपुर महानगरपालिका- ३ बेलचोक स्थितमा जिल्ला गोरखा घर भई हाल जिल्ला चितवन भरतपुर महानगरपालिका- ३ बेल्चोक स्थितमा डेरा कोठा गरी बस्ने वर्ष १८ को रोशन भन्ने अन्जन गुरुङको डेरा कोठामा लागुऔषध विक्रि वितरण तथा सेवन गरेको छ भन्ने गोप्य सूचनाको आधारमा खटिएको प्रहरी टोलिले निज अन्जन गुरुङले बोक्ने कालो रङको साइड ब्यागमा प्लास्टिक भित्र पोको पारी राखेको अवस्थामा लागुऔषध डाइजेपाम २२ एम्पुल, नुरफिन २२ एम्पुल, प्रोमिथाजिन २२ एम्पुल, नगद रु,१२७५।– (बार सय पचहत्तर) सहित निजलाई नियन्त्रणमा लिई आवश्यक अनुसन्धान कार्यभईरहेको छ ।

कारको फल्स बटममा लुकाएर ल्याएको १४.१८० किलो चाँदीजस्तो धातुसहित चार जना पक्राउ

२०८३-०७-०९

मकवानपुर, हेटौंडा उपमहानगरपालिका–१५, रातोमाटे चेकपोइन्ट नजिकबाट कारको फल्स बटममा लुकाएर ल्याइएको १४ किलो १८० ग्राम चाँदीजस्तो देखिने धातुसहित चार जना पक्राउ परेका छन्।२०८३ साल कात्तिक ८ गते करिब १५:१५ बजेको समयमा प्रहरी चौकी रातोमाटे, मकवानपुरबाट प्रहरी नायब निरीक्षक प्रमोद कुमार साहको कमाण्डमा खटिएको चेकिङ टोलीले भारतको रक्सोलबाट काठमाडौं जाँदै गरेको बा २ च ७०७९ नम्बरको कार रोकी चेकजाँच गरेको थियो। चेकजाँचका क्रममा कारका चारवटै ढोकाको भित्री भागमा फल्स बटम बनाई चाँदीजस्तो देखिने धातु लुकाएर राखिएको अवस्थामा फेला परेको थियो। उक्त धातुको शुद्ध तौल १४ किलो १८० ग्राम रहेको छ।बरामद धातुसहित कारमा सवार चार जनालाई पक्राउ गरी थप अनुसन्धानका लागि जिल्ला प्रहरी कार्यालय, मकवानपुरमा राखिएको छ। बरामद धातुको प्रकृति तथा घटनासम्बन्धी अन्य विवरणबारे थप अनुसन्धान भइरहेको छ। पक्राउ पर्नेमा भारतको रक्सोल बस्ने करिब ५० वर्षीय कार चालक रमेश कुमार साह सोनार, उनकी श्रीमती करिब ४२ वर्षीया चन्दा देवी सोनार, चालकको १७ वर्षीय छोरा र चालककी भान्जी अं. २० वर्षीया नन्दनी कुमारी साह रहेका छन्।

फरार प्रतिवादी पक्राउ ।

२०८३-०७-०८

मकवानपुर, जिल्ला अदालत मकवानपुरको पत्र आदेश अनुसार प्रतिवादि लागुऔषध मुद्दाको मिति २०८२।११।२७ गतेको फैसला भएको कैद २० दिन सजाय भएको जिल्ला मकवानपुर हेटौडा उपमहानगरपालिका- १८ भक्तिचोक स्थित सिमलटोलमा बस्ने नवराज खतिवडाको छोरा वर्ष अन्दाजी- १९ को सविन खतिवडालाई सोही स्थान सिमले टोल स्थित आफ्नै घरमा बसिरहेको अवस्थामा निजलाई नियन्त्रणमा लिई थप आवश्यक कारबाहीको भईरहेको ।

फरार प्रतिवादी पक्राउ ।

२०८३-०७-०७

मकवानपुर, लागुऔषध गाँजा मुद्धा (चालु मुद्धा) मा फरार रहेको प्रतिवादी जिल्ला मकवानपुर मनहरी गाउँपालिका- ९ ज्यामिरे बस्ने बर्ष अन्दाजी- ३६ को सुमन गिरीलाई जिल्ला मकवानपुर मनहरी गाउँपालिका- ७ मनहरी बजार स्थितमा हिडिरहेको अवस्थामा प्रहरी गस्ती टोलिले नियन्त्रणमा लिई थप आवश्यक अनुसन्धान कार्यभईरहेको ।