लागुऔषध गाँजा सहित मानिस नियन्त्रणमा

२०८१-१२-०४

A
A^-
A⁺

धादिङ, गजुरी गाउँपालिका-२, रातामाटे स्थित राक्सीङबाट चालिसेतर्फ आउँदै गरेको बा. ९३ प. ३३४० नं. को पल्सर मोटरसाईकलमा लागुऔषध गाँजा ल्याउँदै गरेको छ भन्ने गोप्य सुचनाको आधारमा इलाका प्रहरी कार्यालय गजुरीबाट प्रहरी निरीक्षकको कमाण्डमा ७ जनाको प्रहरी टोलिले चेकजाँच गर्ने क्रममा रातो जेब्रा झोला र खैरो लेदरको झोला भित्र अन्दाजी ६ किलो ९०० ग्राम लागुऔषध गाँजा फेला परेको । मोटरसाईकल चालक जिल्ला धादिङ गजुरी गाउँपालिका-३, वालसिङ्ग बस्ने वर्ष २३ को सुनिल तामाङ र सोहि बस्ने वर्ष ३५ को दिल बहादुर तामाङलाई लागुऔषध गाँजा र मोटरसाईकल सहित नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

काभ्रेमा झुण्डी ३८ वर्षीय महिलाको मृत्यु

२०८३-०५-१८

काभ्रे, मण्डनदेउपुर नगरपालिका-६, सिपाघाट बस्ने गोकुल डोटेलको श्रीमती वर्ष अन्दाजी ३८ की रिता तिमल्सिना डोटेल आफ्नै घरको तेस्रो तलाको भर्‍याङको रेलिङमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

रसुवा बाढी: हालसम्म ७१९ जनाको शव फेला

२०८३-०५-१८

रसुवामा आएको विनाशकारी बाढीका कारण बिहीबार बिहान १०:०० बजे सम्म बागमती प्रदेश प्रहरी कार्यालय अन्तर्गत ७ सय १९ जनाको शव फेला परेको छ । जसमध्ये रसुवामा १२७ जना, नुवाकोटमा १७७ जना, धादिङमा ६० जना, चितवनमा ३ सय ५५ जनाको शव फेला परेको हो । प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।

रसुवा बाढी: हालसम्म ६१९ जनाको शव फेला

२०८३-०५-१७

रसुवामा आएको विनाशकारी बाढीका कारण बुधबार बिहान ०६:०० बजे सम्म बागमती प्रदेश प्रहरी कार्यालय अन्तर्गत ६ सय १९ जनाको शव फेला परेको छ । जसमध्ये रसुवामा ५७ जना, नुवाकोटमा १५५ जना, धादिङमा ५९ जना, चितवनमा ३ सय ४८ जनाको शव फेला परेको हो । प्रहरीले बाढीको जोखिममा रहेका विभिन्न जिल्लाका विभिन्न घर परिवारलाई सुरक्षित स्थानमा राख्ने, विभिन्न निकाय र स्थानीयवासीको समन्वय र सहयोगमा आवश्यक उद्दार एवम् खोजी गर्नुका साथै विभिन्न स्थानमा भएको बाटो अवरोध हटाउने कार्य समेत गरिरहेको छ ।

मकवानपुरमा झुण्डी ३२ वर्षीय महिलाको मृत्यु

२०८३-०५-१७

मकवानपुर, थाहा नगरपालिका-३, दम्की राम्चे बस्ने रामहरी पाख्रीनको श्रीमती वर्ष अन्दाजी ३२ की पार्वती पाख्रीन आफ्नो घर देखी अन्दाजी ५०० मिटर दक्षिणमा पर्ने माझाडाँडा बनमा रहेको फलाटको रूखमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

फरार प्रतिवादी पक्राउ ।

२०८३-०५-१७

इलाका प्रहरी कार्यालय भीमफेदी मकवानपुरबाट प्रहरी निरीक्षकको कमाण्डमा खटिएको ४ जनाको टोलीले लागुऔषध ट्रामाडोल मुद्धामा १५ दिन कैद र रु.२,०००।–(दुई हजार) भई फरार रहेका प्रतिवादी घरमा रहेको भन्ने खबर प्राप्त भई खोज तलास गर्दै जाने क्रममा जिल्ला मकवानपुर भीमफेदी गाउँपालिका-६, सिमलटार बस्ने सुजन लामाको छोरा वर्ष अन्दाजी १८ को सन्दिप लामालाई निजकै घरबाट नियन्त्रणमा लिई आवश्यक कारवाहीको लागि जिल्ला पहरी कार्यालय मकवानपुर तर्फ पठाईएको ।

DNA परीक्षणको लागि नमुना सङ्कलन कार्य भईरहेको

२०८३-०५-१६

जिल्ला प्रहरी कार्यालय चितवनले बागमती प्रदेश जनस्वास्थ्य प्रयोगशाला भक्तपुर सेवा ईकाइ चितवन र जनस्वास्थ्य कार्यालय भरतपुर चितवनको सहयोगमा जिल्ला चितवन भरतपुर महानगरपालिका वडा नं. १० स्थितमा रहेको चितवन उधोग संघको परिसरमा विहान ०९.०० बजेदेखि १७.०० बजे सम्म भोटेकोशी नदीमा आएको बाढीको कारणले गर्दा फेला परेका शवहरूको पहिचानको लागि First Degree Relation (बुबा,आमा,छोरा,छोरी) मध्ये कुनै एक जनाबाट DNA परीक्षणको लागि नमुना सङ्कलन कार्य गरिरहेको । नोट: DNA नमुना दिन आउनु हुने व्यक्तिहरुले आफ्नो पहिचान खुल्ने कागजात र दुई प्रति पासपोर्ट साईजको फोटो समेत लिई आउनु हुन अनुरोध गरेको छ ।