काभ्रेपलाञ्चोक, बनेपा नगरपालिका-१०, पुलबजार स्थित अरनिको राजमार्गमा साँगाबाट बनेपा तर्फ आउँदै गरेको बा ५ ख ३२४६ नम्बरको टिफरले हाल नामथर वतन नखुलेको पैदल यात्री अन्दाजी २५ /२६ वर्षीय पुरुष व्यक्तिलाइ ठक्कर दिँदा घाइते भइ उपचारको लागि शिर मेमोरियल अस्पताल बनेपा पठाएकोमा उपचारको क्रममा निजको मृत्यु भएको छ । ठक्कर दिने टिफर र टिफर चालक जिल्ला काभ्रेपलाञ्चोक, बनेपा नगरपालिका-१०, जनागाल बस्ने २६ वर्षीय रवि श्रेष्ठलाई नियन्त्रणमा लिई आवश्यक अनुसन्धान कार्य भईरहेको छ ।