जिल्ला चितवन भरतपुर म.न.पा. १० स्थित नारायणी नमूना माध्यमिक विद्यालयको सभाहलमा जिल्ला ट्राफिक प्रहरी कार्यालय चितवनले आयोजना गरेको समुदाय प्रहरी साझेदारी सवारी दुर्घटना न्यूनीकरण र ट्राफिक सचेतना अभिबृद्धिका लागि सवारी नियम बारे ज्ञान प्रदान गर्ने उद्धेश्यले एक विद्यालय, एक ट्राफिक शिक्षक (TRAFFIC TEACHER) कथनको साथ ट्राफिक शिक्षक प्रशिक्षण कार्यक्रममा चितवन जिल्लाका प्रमुख जिल्ला अधिकारी प्रकाश पौडेलज्यूको प्रमुख आतिथ्यतामा सम्पन्न भएको छ ।

उक्त कार्यक्रममा बागमती प्रदेश प्रहरी प्रमुख प्रहरी नायव महानिरीक्षक कृष्ण हरि शर्माज्यू,नेपाल प्रहरी शिक्षालय भरतपुरका समादेशकज्यू, नेपाल प्रहरी राजमार्ग सुरक्षा तथा ट्राफिक व्यवस्थापन कार्यालय रामनगर चितवनका प्रमुखज्यू, जिल्ला प्रहरी कार्यालय चितवनका प्रमुखज्यू, नेपाल शिक्षक महासंघका अध्यक्षज्यू, यातायात व्यवस्था कार्यालय चितवनका प्रमुखज्यू, विभिन्न स्कुलका शिक्षक/शिक्षिकाज्यूहरु, संञ्चारकर्मीज्यूहरु, सिनियर प्रहरी अधिकृतज्यूहरु गरी करिब १५८ जनाको उपस्थिति रहेको थियो ।