लागुऔषध गाँजा सहित मानिस नियन्त्रणमा

२०८१-०८-१६

A
A^-
A⁺

मकवानपुर, मनहरी गाउँपालिका-९, ज्यामिरे पूर्व पश्चिम सडक खण्डमा सिमपानीबाट बिरगंज तर्फ जाँदै गरेको ना ६ ख २३४४ नम्बरको डिव्बा ट्रकलाई इलाका प्रहरी कार्यालय मनहरीबाट प्रहरी निरीक्षकको कमाण्डमा खटिएको टोलिले शंका लागी चेकजाँच गर्दा चालक सिट भन्दा माथि क्याविनमा रातो र सेतो प्लाष्टिकले वेरेर लुकाई छिपाई ल्याएको (तौल गर्दा प्लाष्टिक सहित ५६ किलो) लागुऔषध गाँजा फेला परेको । ट्रक चालक जिल्ला मकवानपुर मनहरी गाउँपालिका-८, सिमपानी बस्ने अन्दाजी वर्ष २७ को अनिल कुमार थिङ र सोहि ट्रकमा सवार सोहि ९ बस्ने वर्ष अन्दाजी ३२ को राजेन्द्र मुक्तानलाई ट्रक सहित नियन्त्रणमा लिई थप अनुसन्धान कार्य भइरहेको छ ।

सम्बन्धित समाचार

लागुऔषध गाँजा सहित दुई जना मानिस नियन्त्रणमा

२०८२-१२-२७

धादिङ गल्छी गाउँपालिका-६ सुत्केरी ढुङ्गा स्थित काठमाण्डौबाट कपिलबस्तु तर्फ आँउदै गरेको लुम्बिनि प्रदेश ०१-००१ ख ०८७३ नम्बरको यात्रु बाहक बसमा अपरिचित व्यक्तिले शंकास्पद सामान लिई गएको भनी गोप्य सूचना प्राप्त हुनासाथ प्रहरी चौकी बैरेनीबाट खटिएको थियो । टोली धादिङ गल्छी गाउँपालिका-४ स्थित मासटारमा पुगी उक्त नम्बरको यात्रुबाहक बस रोकी चेकजाँच गर्दा शंकास्पद रुपमा रहेका जिल्ला धादिङ गल्छी गाउँपालिका-८ किरानचोक बस्ने वर्ष अन्दाजी २५ को हरि तामाङ र बर्ष अन्दाजी २५ को आकाश तामाङलाई नियन्त्रणमा लिई निजहरुको साथमा रहेको ४ वटा झोला चेकजाँच गर्दा लागूऔषध गाँजा ३१ किलो ४०० ग्राम फेला परेको हो । उक्त लागूऔषध गाँजा सहित निजलाई नियन्त्रणमा लिई थप अनुसन्धान कार्य भई रहेको छ ।

काभ्रेमा झुण्डी एक मानिसको मृत्यु

२०८२-१२-२७

काभ्रे मण्डनदेउपुर नगरपालिका वडा-९ माथिल्लो रानिटार बस्ने वर्ष अन्दाजी ६३ की सरस्वती सापकोटा आफ्नै घरको बलेसीमा रहेको काठको बलोमा सलको पासो लगाई झुण्डी मृत अवस्था फेला परेको हो । घटनास्थल मुचुल्का सहित थप अनुसन्धान कार्य भई रहेको छ ।

मानिस झुण्डी मृत अवस्थामा फेला

२०८२-१२-२७

चितवन भरतपुर महानगरपालिका-१३ उजेलीनगर बस्ने वर्ष ४१ को जीवन गिरीले आफ्नो घरदेखि अन्दाजी १०० मिटर उत्तरमा रहेको खनाएको रुखमा प्लास्टिकको डोरी पासो लगाई झुण्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भई रहेको छ ।

लागुऔषध सहित दुई जना मानिस नियन्त्रणमा

२०८२-१२-२७

सिन्धुली कटारी नगरपालिका-९ भिमान चेकपोष्ट स्थित वि.पी.राजमार्ग सडक खण्डमा इलाका प्रहरी कार्यालय भिमान सिन्धुलीबाट खटिएको ट्राफिक सहितको टोली, लागूऔषध नियन्त्रण व्यूरो शाखा कार्यालय, बर्दीबास र बागमती प्रदेश प्रहरी कार्यालय हेटौडा केनाई शाखामा खटिएको तालिम प्राप्त कुकुर जुनु (लागूऔषध खोजी गर्ने) सहितको संयुक्त चेकिङ टोलीले चेकजाँच गर्दा धरानबाट काठमाण्डौ तर्फ जाँदै गरेको बा ३ ख ९७२६ नम्बरको हायसमा सवार जिल्ला सुनसरी धरान उपमहानगरपालिका-५ बस्ने वर्ष अन्दाजी २४ को उज्जल कार्कीको ब्यागभित्र लुकाई छिपाई राखेको अवस्थामा SPASTAIN-43 tablet, Tramadol-43 tablet, र निजले साथबाट लागूऔषध खैरो हिरोइन जस्तो देखिने गिलो पदार्थ ३२० मिलिग्राम फेला परेको हो । त्यस्तै धरानबाट काठमाण्डौ तर्फ जाँदै गरेको बा ३ ख ७७९५ नम्बरको हायसमा सवार जिल्ला कैलाली धनगढी उपमहानगरपालिका-१ बस्ने वर्ष ३१ को मिन कुमार चौधरीको ब्यागभित्र लुकाई छिपाई ल्याएको लागूऔषध खैरो हिरोइन जस्तो देखिने गिलो पदार्थ ३.१५० ग्राम फेला परेको हो । उक्त लागूऔषध सहित निजहरूलाई नियन्त्रणमा लिई थप अनुसन्धान कार्य भई रहेको छ ।

लागुऔषध सहित एक जना मानिस नियन्त्रणमा

२०८२-१२-२६

सिन्धुली दुधौली नगरपालिका-१० सिर्जनानगर स्थित मदन भण्डारी राजमार्गमा प्रहरी चौकी दुधौली सिन्धुली र बागमती प्रदेश प्रहरी कार्यालय, हेटौंडाबाट आएका तालिम प्राप्त कुकर जुनु (लागूऔषध खोजी गर्ने) सहितको १२ जनाको सयुक्त टोलीले सवारी चेकजाँच गर्ने क्रममा दमकबाट काठमाण्डौतर्फ जादै गरेको बा ५ ख ३१५४ नम्बर हायसमा सवार जिल्ला उदयपुर कटारी नगरपालिका-८ आहाले बस्ने वर्ष ३७ को टेक बहादुर मगरले बोकेको कालो झोला चेकजाँच गर्दा उक्त झोला भित्र ६ के.जी लागूऔषध गाँजा फेला परेको हो । साथै उक्त लागूऔषध गाँजा सहित निजलाई नियन्त्रणमा लिई थप अनुसन्धान कार्य भई रहेको छ ।

बेवारीसे भरुबा बन्दुक फेला

२०८२-१२-२५

सिन्धुली फिक्कल गाँपालिका वडा-१ महादेब डाँडा स्थितमा रहेको दमार जंगलमा पतकरले छोपेको अवस्थामा नाल-४(चार) भरुवा बन्दुक फेला परेको छ । उक्त घटनाको थप अनुसन्धान कार्य भई रहेको छ ।