इलाका प्रहरी कार्यालय गजुरी धादिङबाट प्रहरी निरीक्षकको कमाण्डमा खटिएको टोलीले जिल्ला धादिङ गजुरी गाउँपालिका-७, दरिङगाल स्थित दरिङगाल खोला पुल नजिकै बाटोमा सोहि किरानचोकबाट आदमघाट तर्फ आउँदै गरेको ना २६ प  ३७४६ नं.को पल्सर मोटरसाईकल र बा.प्र ३-०२-०१३ प ४०७६ न.को FZ मोटरसाईकललाई चेकजाँच गर्ने क्रममा प्लाष्टिकको बोराहरू भित्र खैरो टेपले बेरी पोका पारेको अवस्थामा (४९) पोकामा रहेको अन्दाजी ४० (चालिस) किलो लागुऔषध गाँजा, मोवाईल थान-४,नगद रू.।- (आठ हजार) फेला परेको । उक्त  मोटरसाईकलमा  सवार जिल्ला धादिङ गजुरी गाउँपालिका-४ बालुवा डांडा बस्ने वर्ष २७ को सोम बहादुर तामाङ, सोहि अर्चले बस्ने वर्ष १८ को राम चेपाङ, सोहि बस्ने वर्ष २६ को सुब्बा प्रजा र सोहि दरिङगाल घर भई हाल जिल्ला चितवन राप्ती नगरपालिका-१, गडौली बस्ने वर्ष ३० को नर बहादुर तामाङलाई नियन्त्रणमा लिई थप अनसुन्धान कार्य भईरहेको छ ।