विषादी सेवनबाट एकको मृत्यु

२०८१-०७-२९

A
A^-
A⁺

मकवानपुर, मनहरी गाउँपालिका-७, मनहरी बजार बस्ने वर्ष अन्दाजी ६३ को बाघसिंङ स्याङतानले धानमा हाल्ने नाम नखुलेको बिषादी सेवन गरी बिरामी भई उपचारको लागि पुरानो मेडिकल कलेज भरतपुर अस्पताल लगिएकोमा उपचारको क्रममा मृत्यु भएको । यस घटना सम्बन्धमा थप अनुसन्धान कार्य भईरहेको छ ।

सम्बन्धित समाचार

फरार प्रतिवादी नियन्त्रणमा

२०८३-०७-२४

मिति २०८३/०७/२४ गते अन्दाजी १०:५० बजेको समयमा उच्च अदालत काठमाण्डौको मिति २०७८/११/२७ गते र जिल्ला अदालत धादिङको मिति २०७८/०१/१२ गतेको फैसला कार्यान्वयनको पत्र अनुसार बहुविवाह मुद्दा (१ वर्ष कैद रु.१०,०००/- दश हजार जरिवाना) र बैंकिङ कसुर मुद्धा (१दिन कैद रु. १,१०,०००/- एक लाख दश हजार जरिवाना) भएको फरार प्रतिवादी जिल्ला धादिङ धुनिबेसी नगरपालिका वडा नम्बर-२ मैदाने बस्ने ठुला कान्छा मिजारको छोरा वर्ष अन्दाजी ४२ को जीवन मिजारलाई गोप्य सूचनाका आधारमा प्रहरी चौकी जिबनपुर र इलाका प्रहरी कार्यालय खानिखोलाबाट टोली खटि गई निजकै घर बाट प्रकाउ गरिएको हो ।

१५० ग्राम लागूऔषध खैरो हेरोइन सहित एक जना पक्राउ

२०८३-०७-२३

मिति २०८३।०७।२३ गते अन्दाजी १९:०० बजेको समयमा जिल्ला मकवानपुर हेटौंडा उ.म.न.पा.-२ लोकप्रिय मोड स्थितमा लागूऔषध बिक्री वितरण भइरहेको भन्ने विशेष सूचनाको आधारमा जिल्ला प्रहरी कार्यालय मकवानपुर र वडा प्रहरी कार्यालय हेटौंडा सहितको संयुक्त प्रहरी टोलीले सडक छेउमा शंकास्पद रूपमा बसिरहेकी जिल्ला मकवानपुर बागमती गा.पा.-६ फापरबारी बस्ने वर्ष अन्दाजी २५ की रुपा विश्वकर्मालाई रितपुर्वक खानतलासी गर्दा निजको दाहिने हातमा समाती राखेको अवस्थामा लागूऔषध खैरो हिरोईन जस्तो देखिने धुलो पदार्थ स-साना प्लाष्टिकको २ वटा पुरिया तौल गर्दा १५० मिलिग्राम फेला पारी लागूऔषध सहित निजलाई नियन्त्रणमा लिई थप अनुसन्धान भई रहेको छ ।

७०० ग्राम लागूऔषध खैरो हेरोइन सहित चार जना पक्राउ

२०८३-०७-२३

मिति २०८३।०७।२३ गते अन्दाजी १८:३० बजेको समयमा जिल्ला मकवानपुर हेटौडा उ.म.न.पा.-०२ दुबई होटल नजिकै बाल कृष्ण शर्माको घरमा भाडा गरी बस्ने मानिसहरुले लागूऔषध सेवन गरिरहेको भन्ने विशेष सूचना प्राप्त हुनासाथ प्रहरी चौकी चौकीटोल मकवानपुरबाट टोली खटि गई निजहरु बस्ने कोठाको खानतलासी गर्दा निजहरुले लागूऔषध खैरो हिरोईन जस्तो देखिने पदार्थ स्टिलको थालमा राखी सेवन गरिरहेको बेला पक्राउ गरिएको हो । पक्राउ पर्नेमा जिल्ला मकवानपुर कैलाश गा.पा.-१० घर भई हाल ऐ.हेटौडा उ.म.न.पा.०२ चौकीटोल स्थित बाल कृष्ण शर्माको घरमा डेरा गरि बस्ने वर्ष अन्दाजी २२ को बिनोद थिङ, हेटौडा उ.म.न.पा.-१२ पदमपोखरी बस्ने वर्ष अन्दाजी १८ को सुशान्त थिङ, ऐ.ऐ. बस्ने वर्ष अन्दाजी ३३ को सुसन्देश लामा र हेटौंडा उ.म.न.पा.-०७ कमाने बस्ने वर्ष अन्दाजी २६ को लक्ष्मण घलान रहेको छ । निजहरु मध्ये हेटौंडा उ.म.न.पा.-०७ कमाने बस्ने वर्ष अन्दाजी २६ को लक्ष्मण घलानको ज्याकेटको खल्तिमा प्लाष्टिकले बेरेर राखेको लागूऔषध खैरो हिरोईन जस्तो देखिने धुलो पदार्थ स-साना ६ पोका तौल ७०० मिलिग्राम समेत फेला पारी बरामद लागूऔषध सहित निजलाई नियन्त्रणमा लिई थप अनुसन्धान कार्य भईरहेको छ ।

फरार प्रतिवादी पक्राउ

२०८३-०७-२२

मिति २०८३।०७।२२ गतेको अन्दाजी १६:४५ बजेको समयमा जिल्ला मकवानपुर हेटौडा उ.म.न.पा.-१० बुद्दचोक नजिकबाट बैङ्किङ कसुर चालु मुद्दाको फरार प्रतिवादी जिल्ला सर्लाही गोदैता न.पा.-३ घर भई हाल मकवानपुर हेटौंडा उ.म.न.पा.-४ पारिजातपथ बस्ने वर्ष अन्दाजी ३७ की लक्ष्मी कुमारी बानियालाई जिल्ला प्रहरी कार्यालय मकवानपुरबाट खटिएको प्रहरी टोलीले नियन्त्रणमा लिई थप अनुसन्धान कार्य भई रहेको छ ।

खैरो हिरोईन सहित मानिस पक्राउ

२०८३-०७-२१

मिति २०८३।०७।२१ गतेको अन्दाजी १६:०७ बजेको समयमा जिल्ला मकवानपुर हेटौडा उ.म.न.पा.-११ थानाभर्‍याङ मिलन चोक स्थित लागूऔषध बिक्री वितरण भएको भन्ने सूचना प्राप्त हुना साथ जिल्ला प्रहरी कार्यालय मकवानपुरबाट प्रहरी टोली खटि गई उल्लेखित स्थानको भित्रीबाटोमा हिडिरहेको अवस्थामा हेटौंडा उ.म.न.पा.‍-११ नमुनाचोक डेरा गरी बस्ने वर्ष अन्दाजी २६ को सानु भाई नेपालीलाई चेकजाँच गर्दा निजको साथबाट लागूऔषध खैरो हिरोईन जस्तो देखिने पदार्थ तौल ३१० (तिन सय दश) मिलिग्राम फेला परेको हुँदा लागूऔषध सहित निजलाई नियन्त्रणमा लिई थप अनुसन्धान कार्य भईरहेको छ ।

लागूऔषध गाँजा सहित मानिस नियन्त्रणमा

२०८३-०७-२०

मिति २०८३।०७।२० गते अन्दाजी ०५:३० बजेको समयमा विशेष सूचनाको आधारमा इलाका प्रहरी कार्यालय, मनहरी मकवानपुरबाट खटिएको प्रहरी टोलीले जिल्ला मकवानपुर राक्सिराङ गाउँपालिका-०६ लोथर खोला स्थित भित्री कच्ची सडक खण्डमा कालो झोला बोकी पैदल आईरहेका जिल्ला मकवानपुर राक्सिराङ गाउँपालिका-७ रिन्चिराङ बस्ने वर्ष २५ को रेवन प्रजा र वर्ष २० को जेन्सन प्रजालाई चेकजाँच गर्दा कालो झोला भित्र लुकाई छिपाई राखेको प्लाष्टिकले बेरिएको अवस्थामा २२.०५४ के.जी. लागूऔषध गाँजा बरामद गरिएको हो । बरामद लागूऔषध गाँजा सहित निजहरूलाई नियन्त्रणमा लिई थप अनुसन्धान कार्य भईरहेको छ ।