बागमती प्रदेश सरकार आन्तरिक मामिला तथा कानून मन्त्रालयको विनियोजित बजेटबाट नवनिर्मित प्रहरी चौकी हर्षाही जगाडी, सिन्धुलीको भौतिक संरचनाको समुद्‍घाटन सम्पन्न भएको छ । आज मिति २०८१।०६।११ गते आयोजित समुद्‍घाटन कार्यक्रममा बागमती प्रदेश सरकार श्री आर्थिक मामिला तथा कानून मन्त्री माननीय श्री सुरज चन्द्र लामिछानेज्यूको प्रमुख आतिथ्यतामा सम्पन्न भएको हो । बागमती प्रदेशका माननीय सांसदज्यूहरु, पूर्व संविधान सभा सदस्यज्यूहरूको सहभागिता रहेको थियो ।

साथै उक्त कार्यक्रममा जिल्ला समन्वय समिति सिन्धुलीका प्रमुखज्यू, कमलामाई नगरपालिकाका नगर प्रमुखज्यू, जिल्ला समन्वय समिति सिन्धुलीका उप-प्रमुखज्यू, दुधौली नगरपालिकाका नगर उप-प्रमुखज्यू, आन्तरिक मामिला तथा कानुन मन्त्रालयका सचिव पुर्ण बहादुर दर्जीज्यू, प्रमुख जिल्ला अधिकारीज्यू, बागमती प्रदेश प्रहरी कार्यालयका प्रमुख प्र.ना.म.नि. कृष्ण हरि शर्माज्यु, जिल्ला सुरक्षा समिति सिन्धुलीका पदाधिकारीज्यूहरु, सिन्धुली जिल्ला स्थित विभिन्न सरकारी कार्यालयका प्रमुख एवं प्रतिनिधिज्यूहरु, जनप्रतिनिधिज्यूहरु, सिनियर प्रहरी अधिकृतज्यूहरु, पूर्व प्रहरी कर्मचारीहरु, जिल्ला स्थित विभिन्न संघसंस्थामा आवद्ध प्रमुख एवं प्रतिनिधिज्यूहरु, प्रहरी कर्मचारीज्यूहरू लगायतको उपस्थिति रहेको थियो ।