धादिङ, गजुरी गाउँपालिका-१, गजुरी बजार स्थित पृथ्वीलोकमार्गमा काठमाण्डौबाट बुटलतर्फ जाँदै गरेको लु २ ख ६८२३ नम्बरको बसमा लागु औषध गाँजा ल्याउँदै गरेको छ भन्ने गोप्य सुचनाको आधारमा इलाका प्रहरी कार्यालय गजुरीबाट प्रहरी निरीक्षकको कमाण्डमा खटी गएको प्रहरी टोलीले उक्त बस चेकजाँच गर्ने क्रममा बसमा सवार जिल्ला धादिङ गजुरी गाउँपालिका-८ बस्ने वर्ष २७ को रमेश तामाङ र सोहि बस्ने वर्ष ४३ को भक्त तामाङको साथबाट ४ थान कालो खैरो झोलाभित्र अन्दाजी २१ किलो लागुऔषध गाँजा, OPPO कम्पनीको मोबाईल थान- १, Realme कम्पनीको मोबाईल थान-१ गरी जम्मा २ थान मोबाईल फेला परेको थियो । निजहरूलाई लगुऔषध गाँजा र मोबाइल सहित नियन्त्रणमा लिई थप अनुसन्धान कार्य भईरहेको छ ।