मकवानपुर, राक्सिराङ गाउँपालिका-५, जिर्खे र आँपखोल्सीको बिच चैनपुर मनहरी भित्री सडक खण्डमा ईलाका प्रहरी कार्यालय, मनहरीबाट खटिएको प्रहरी टोलिले राक्सिराङबाट मनहरी तर्फ आउदै गरेको बा ६ च ८२५९ नम्बरको बोलेरो गाडी र बा.प्र.०६-००१ प ५५८९ नम्बरको मोटरसाईकललाई  रोकी चेकजाँच गर्न खोज्दा गाडी नरोकी फरार रहेकोमा उक्त सवारी साधनलाई  पछ्याउदै आउने क्रममा उक्त दुवै सवारी साधन मनहरी गाउँपालिका-७, मनहरी तर्फबाट फर्काइ सोहि दिशा तर्फ भाग्ने क्रममा प्रहरीले पुन: रोक्न खोज्दा प्रहरीले चलाएको मोटरसाईकललाई समेत ठक्कर दिइ उक्त सवारी बाटोको नालामा पर्न गई दुबै सवारी चालक फरार रहेकोमा बलेरो गाडीलाई  चेकजाँच गर्दा बीच भागको सिटमा लुकाई छिपाई ल्याएको रातो प्लाष्टिकले बेरेको १० वटा पोका लागुऔषध गाँजा जस्तो देखिने बस्तु अन्दाजी ४० किलोग्राम र दुबै सवारी साधन नियन्त्रणमा लिई थप अनुसन्धान कार्य भईरहेको छ ।