ट्रकको ठक्करबाट एक मोटरसाईकल चालकको मृत्यु

२०८०-१२-०७

A
A^-
A⁺

चितवन, भरतपुर महानगरपालिका-२९, दाशढुङ्गा स्थित नारायणगढ मुग्लिङ सडक खण्डमा नारायणगढबाट मुग्लिङ तर्फ जाँदै गरेको ना ७ ख ७६४ नं.को ट्रकले बिपरित दिशाबाट आउँदै गरेको ना ५५ प ८१९९ नं.को मोटरसाईकललाई ठक्कर दिँदा मोटरसाईकल चालक जिल्ला चितवन भरतपुर महानगरपालिका २९ कुसुमटार बस्ने वर्ष ३२ को सोमलाल लामा गम्भिर घाईते भई उपचारको लागि भरतपुर सरकारी अस्पताल भरतपुर पठाएकोमा उपचारको क्रममा डाक्टरले मृत घोषणा गरेको । ट्रक चालक जिल्ला मकवानपुर हेटौंडा उपमहानगरपालिका-१३, बस्ने वर्ष ३९ को दुर्गा स्याङ्ताङ प्रहरीको नियन्त्रणमा रहेको । यस घटना सम्बन्धमा थप अनुसन्धान कार्य भईरहेको छ ।

सम्बन्धित समाचार

खैरो हिरोईन सहित मानिस नियन्त्रणमा ।

२०८३-०७-१७

मकवानपुर, हेटौडा उप-महानगरपालिका-४ मेन रोड रानी दरबार नजिकै लागुऔषध खैरो हिरोईन बिक्रि बितरण भईरहेको भन्ने विशेष सूचनाको आधारमा प्रहरी टोली खटि गई हेटौंडा उप-महानगरपालिका-६ चौघडा घर भई हाल हेटौंडा उप-महानगरपालिका -४ मेन रोड नजिकै ससुरा नाता पर्ने राजेन्द्र कुमार मानन्धरको घरमा बस्दै आएको वर्ष अन्दाजी-३४ को निर्णय राई बस्ने कोठा तथा निजको शरिर रितपूर्वक खानतलासी गर्दा निज निर्णय राईको खल्तीबाट १ वटा पुरिया लागुऔषध खैरो हिरोईन जस्तो देखिने पदार्थ फेला पारी शुद्ध तौल गर्दा ५० मिलिग्राम रहेको र निज सुत्ने कोठाको पलङको सिरानीको भागमा डिजिटल तराजु फेला पारी बरामद गरी बरामद सामान सहित निजलाई नियन्त्रणमा थप अनुसन्धान कार्य भईरहेको ।

एक पुरुष व्यक्ति मृत्यु

२०८३-०७-१६

चितवन, राप्ती नगरपालिका-११ घर भई हाल खैरहनी नगरपालिका-६ पुरानो पर्सा स्थितमा डेरा गरी बस्ने वर्ष २० को लोक बहादुर तामाङ सुतिरहेको अवस्थामा एक्कासी मुखबाट फिज निकाली बिरामी भई निजको दाइ वर्ष ३० को बुद्धि बहादुर तामाङले उपचारका लागि सरकारी अस्पताल भरतपुर लगेकोमा उपचारका क्रममा मृत्यु भएको भनी सरकारी अस्पताल भरतपुरमा खटिएका प्रहरी कर्मचारीले जानकारी गराउन साथ उक्त स्थानमा टोली खटी गई थप अनुसन्धान कार्य भईरहेको ।

विल विजक नभएको सामान र पटाका नियन्त्रणमा ।

२०८३-०७-१५

चितवन, भरतपुर महानगरपालिका-१२ गोन्द्राङ स्थित प्रहरी टोलीले चेकिङको क्रममा बिरगंजबाट काठमाण्डौ तर्फ जादै गरेको प्र ०१-००६ ख ५६७९ नंको यात्रु बसमा बिल बिजक नभएको निम्न सामानहरु पट्का १ बोरा, बिस्कुट ६ कार्टुन, घ्यु १० कार्टुन, बुनिया १ बोरा, केमिकल जस्तो देखिने चिज ३ बोरा नियन्त्रणमा लिई थप कारवाहीको लागि सम्बन्धित निकायमा बुझाएको ।

फरार प्रतिवादी पक्राउ ।

२०८३-०७-१४

मकवानपुर, इलाका प्रहरी कार्यालय,मनहरी मकवानपुरबाट खटिगएको टोलीले लागुऔषध खैरो हिरोईन मुद्दामा सम्मानित जिल्ला अदालत मकवानपुरको मिति २०८३।०३।२२ गतेको फैसलाले ८ (आठ) महिना कैद भएको फरार प्रतिबादीहरु जिल्ला मकवानपुर मनहरी गाउँपालिका-०८ सिमपानी बस्ने बर्ष अन्दाजी-३५ को भुमिराज पाख्रिन र सोही स्थान बस्ने बर्ष अन्दाजी-२२ को सुजन बललाई सिमपानी स्थितमा हिडिरहेको अबस्थामा नियन्त्रणमा लिइ थप अनुसन्धान कार्य भईरहेको छ ।

चोरी मोटरसाइकल र १ थान भरुवा बन्दुक सहित २ मानिस नियन्त्रणमा ।

२०८३-०७-१३

धादिङ गजुरी गाउँपालिका वडा नम्बर-०८ मजुवा बस्ने बर्ष अन्दाजी- १८ को बुद्धि, बमकाजी भन्ने सागर तामाङ र सोही स्थान सिउरेनी बस्ने बर्ष अन्दाजी- २२ को शिशिर तामाङ मोटरसाइकल चोरीमा संलग्न रहेको भनि गोप्य सूचनाको आधारमा प्रहरी टोली निजहरूको घर ठेगानामा खटि गई खोजतलास गर्ने क्रममा फेला पारी २ जनालाई नियन्त्रणमा लिई निज बुद्धि, बमकाजी भन्ने सागर तामाङको साथबाट सवारी दर्ता किताव नभएको बा.प्र.०२-०६७ प ७८१३ नम्बर DKCTM36769, चे.न. MD2A13EX8TCM85008 नं. को कालो निलो कलरको २२०cc को पल्सर चोरीको मोटरसाइकल र १ थान भरुवा बन्दुक फेला पारी बरामद गरि थप आवश्यक अनुसन्धान भईरहेको ।

लागुऔषध गाँजा सहित २ जना मानिस नियन्त्रणमा ।

२०८३-०७-११

मकवानपुर, हेटौंडा उपमहानगरपालिका-१५ पिपलबोट स्थित महेन्द्र राजमार्गमा प्रहरी चेकिङ टोलीले हेटौंडाबाट बारा तर्फ जाँदै गरेको BR1AP6073 नम्बरको भारतीय गाडीलाई शंका लागी चेकजाँच गर्दा गाडीको बोनट, चालक सिट तल खुट्टा राख्ने स्थान र चालकको साइडको सिट तल खुट्टा राख्ने स्थानमा फल्सबटम बनाई लुकाई छिपाइ राखेको अवस्थामा लागुऔषध गाँजा १९ पोका शुद्ध तौल ४२ के.जी. ४१० ग्राम प्याक गरीएको प्लास्टिक सहित फेला पारी गाडी चालक देश भारत जिल्ला बैसाली महुवा टोल बस्ने बर्ष अन्दाजी-२५ को बिर्जु कुमार राय र सोहि गाडीमा सवार सोही स्थान बस्ने बर्ष अन्दाजी-२६ को मन्जय कुमार राय लाई नियन्त्रणमा लिइ थप आवश्यक अनुसन्धान कार्य भईरहेको ।