मकवानपुर, भिमफेदी गाउँपालिका-२, भैँसे स्थित चेक प्वाईन्टमा प्रहरी चौकी भैँसेबाट खटिएको चेकिङ टोलीले धादिङ तर्फबाट बिरगंज तर्फ आउँदै गरेको बा.प्र.-०२-०२०प ८८३३ नम्बरको मोटरसाईकललाई रोकी चेकजाँच गर्दा मोटरसाईकल चालक जिल्ला धादिङ, गजुरी गाउँपालिका-८ बस्ने अन्दाजी ३१ वर्षीय प्रसान्त तामाङले पछाडी भिरेको कालो झोलाबाट अन्दाजी १५ किलोग्राम लागुऔषध चरेस फेला परेकोले उक्त लागुऔषध सहित निजलाई नियन्त्रणमा लिई थप अनुसन्धान कार्य भईरहेको छ ।