४० किलोग्राम लागुऔषध गाँजा सहित ४ जना पक्राउ

२०८०-११-१६

A
A^-
A⁺

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले हेटौंडाबाट बिरगंज तर्फ जाँदै गरेको बा.३ ख.८३८२ नम्बरको यात्रुवाहक बसलाई रोकी चेकजाँच गर्ने क्रममा उक्त गाडीको पछाडी डिक्कीमा ४ ओटा झोलामा लागुऔषध गाँजा अन्दाजी १० किलोग्रामको दरले जम्मा अन्दाजी ४० किलोग्राम लागुऔषध गाँजा फेला पारी उक्त लागु औषध सहित जिल्ला चितवन, कालिका नगरपालिका-११ बस्ने अन्दाजी ३२ वर्षीय दिनेश चेपाङ, २२ वर्षीय प्रसान्त प्रजा, ४१ वर्षीय रमेश प्रजा, र सोही ठेगाना बस्ने अन्दाजी ४१ वर्षीय दिपलाल प्रजालाई नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

लागुऔषध गाँजा फडानी

२०८३-०३-१८

धादिङ, गजुरी गाउँपालिका–४ भञ्ज्याङ क्षेत्रमा गाँजाको खेती भइरहेको भन्ने सूचनाको आधारमा प्रहरी टोली खटिई गई उक्त स्थानमा खोजतलास गर्दा अवैध रूपमा अन्दाजी २ रोपनी जग्गामा लगाइएको अन्दाजी ८०० बोट लागुऔषध गाँजा खेति फडानी गरी नष्ट गरिएको ।

मकवानपुरमा झुण्डी मृत्यु

२०८३-०३-१७

मकवानपुर, मनहरी गाउँपालिका-६ चौकिटोल बस्ने युवाराज थपलियाको छोरा वर्ष अन्दाजी-१९ को सन्देश थपलिया आफ्नै जस्ता पाताले छाएको घरको माथिल्लो तलाको काठको बलोमा सलको पासो लगाई झुन्डी मृत्यु भएको भन्ने खबर प्राप्त हुनासाथ प्रहरी टोली खटिगई घटनास्थलमा मुचुल्का सहित थप अनुसन्धान कार्य भइरहेको ।

प्रतिबन्धित चाईनिज रक्सी बरामद

२०८३-०३-१७

सिन्धुपाल्चोक, भोटेकोशी गाउँपालिका-२ दशकिलो स्थित प्रहरी टोलीले चेकजाँच गर्ने क्रममा तातोपानीबाट काठमाण्डौं तर्फ जाँदै गरेको बा.प्र.०१००६ ख ०६१४ नम्बरको बसको डिकिमा झोला भित्र लुकाई छिपाई ल्याउँदै गरेको प्रतिबन्धित चाईनिज रक्सी (Tiger) लेखिएको ७१ बोतल अन्दाजी ४९७०।- (चार हजार नौ सय सत्तरी) बरामद गरी थप अनुसन्धान कार्य भईरहेको ।

झुण्डि मृत्यु

२०८३-०३-१६

काभ्रे, तेमाल गाउँपालिका वडा- ५ लपसे मगर टोल बस्ने विजय राना मगरको श्रीमती वर्ष अन्दाजी ३० की ममता राना मगर आफ्नै घरदेखि अन्दाजी ३०० मिटर पूर्व पर्ने सल्ले डाँडा जंगलमा मच्छेनाको बोटमा घाँटीमा सलको पासो लगाई झुन्डी मृत्यु भएको भन्ने खबर प्राप्त हुनसाथ प्रहरी टोली खटी गई घटनास्थल मुचुल्का सहित थप अनुसन्धानको कार्य भईरहेको ।

जेन्जी आन्दोलनको क्रममा फरार रहेको थुनुवा पक्राउ

२०८३-०३-१५

धादिङ, बेनिघाट रोराङ गाउँपालिका-३ मलेखु स्थित बस्ने कुल बहादुर मगरको छोरा बर्ष-२३ को मनोज मगर चितवन भरतपुर कारागारमा लागुऔषध मुद्वामा पूर्वपक्षमा रहेको थुनुवा जेन्जी आन्दोलनका क्रममा फरार रहेको निजलाई खोजतलास गर्ने क्रममा घरबाट नियन्त्रणमा लिइएको ।

खैरो हिरोइन सहित मानिस नियन्त्रणमा

२०८३-०३-१४

सिन्धुली, कमलामाई नगरपालिका-९ भिमान चेकपोष्ट स्थित वि.पि.राजमार्ग सडकखण्डमा इलाका प्रहरी कार्यालय भिमान र लागुऔषध नियन्त्रण व्यूरो शाखा कार्यालय, बर्दीबासको संयुक्त टोलीले झापाबाट काठमाण्डौ तर्फ जाँदै गरेको चालक जिल्ला सिन्धुली कमलामाई नगरपलिका- १२ बस्ने बर्ष अन्दाजी-२५ को तुल बहादुर घिमिरेले चलाएको बा ४ ख २९६५ नम्बरको हायसमा सवार जिल्ला झापा कमल गाँउपालिका-५ बस्ने बर्ष अन्दाजी-२८ को पुजन थापालाई शंका लागि चेक जाजँ गर्दा निजले लगाएको जिन्स पाइन्टको गोजीमा लागु औषध खैरो हिरोइन जस्तो देखिने गिलो पदार्थ २.१०० ग्राम फेला पारी नियन्त्रणमा लिई थप अनुसन्धान कार्य भईरहेको ।