बागमती प्रदेश प्रहरी कार्यालय हेटौंडाका कार्यालय प्रमुख प्रहरी नायव महानिरीक्षक बिष्णु कुमार के.सी.ज्यूको प्रमुख आतिथ्यतामा पूर्व प्रहरी कर्मचारीहरू संग अन्तरक्रिया तथा पूर्व प्रहरी कर्मचारी प्रदेश समन्वय डेस्कको सुरूवात सम्पन्न भएको छ । कार्यक्रममा प्रहरी नायव महानिरीक्षकज्यू, प्रहरी वरिष्ठ उपरीक्षक रवि कुमार पौडेलज्यू, प्रहरी उपरीक्षक भिम किरण बोगटीज्यू, सिनियर प्रहरी अधिकृतज्यूहरू, बागमती प्रदेश पूर्व प्रहरी संगठनका अध्यक्ष पूर्व प्रहरी निरीक्षक रित बहादुर खाती क्षेत्रीज्यू, मकवानपुर जिल्ला पूर्व प्रहरी संगठनका अध्यक्ष लगायत पूर्व प्रहरी कर्मचारी कार्य समितिका पदाधिकारीज्यू, पूर्व प्रहरी कर्मचारीहरूको उपस्थिति रहेको थियो । कार्यक्रममा पूर्व प्रहरी संगठनका पदाधिकारीज्यूहरूले बागमती प्रदेश प्रहरी कार्यालय हेटौंडाका कार्यालय प्रमुख प्रहरी नायव महानिरीक्षक बिष्णु कुमार के.सी.ज्यूलाई स्वागत गर्नु भएका थिए । बागमती प्रदेश प्रहरी प्रमुखज्यूले पूर्व प्रहरी कर्मचारी प्रदेश समन्वय डेस्क (कोठा) को चाँबी बागमती प्रदेश पूर्व प्रहरी संगठनका अध्यक्षज्यूलाई हस्तान्तरण गर्नु भई कार्यक्रममा उठेका जिज्ञासाहरूको सम्वोधन समेत गर्नु भएको थियो ।