रामेछाप, मन्थली नगरपालिका-६ मसानटार स्थित खुर्कोट मन्थली सडक खण्डमा प्रदेश २-०३-००६ ख ४७६२ नं.को ट्रक दुरघट्ना भई ट्रक चालक को मृत्यु भएको छ ।

ट्रक चालक भरतपुर महानगरपालिका-८ बस्ने २८ वर्षीय सुर्य कुमार भाट रहेका छन् । उक्त ट्रकको सहचालक सोहि महानगरपालिका-५ बस्ने २४ वर्षीय किसन थापा सकुशल रहेका छन् । ट्रक नारायणगडबाट मन्थली तर्फ आउँदै गरेको बेला मन्थली नगरपालिका-६ मसानटार स्थित आफै अनियन्त्रित भई सडकबाट अन्दाजी ३०० मिटर तल खस्न गई दुरघट्ना भएको थियो । दुरघट्ना हुँदा चालकको टाउकोमा गहिरो चोट, बाँया खुट्टा भाँचिएको बेहोस अवस्थामा फेला परेका थिए भने सहचालक सकुशल अवस्थामा पाईएको थियो । घाइते चालकलाई उपचारको लागी खुर्कोट सुभजिवन अस्पताल पठाइएकोमा उपचारको क्रममा निजको मृत्यु भएको हो ।

यस सम्बन्धमा प्रहरीले आवश्यक अनुसन्धान कार्य गरिरहेको छ ।