अवैध लागुऔषध सहित मानिस नियन्त्रणमा

२०८०-१०-१८

A
A^-
A⁺

सिन्धुली, कमलामाई नगरपालिका-६, माझिटार चेकपोष्टमा जिल्ला प्रहरी कार्यालय सिन्धुलीबाट खटिएको प्रहरी टोलीले सुनसरीबाट काठमाण्डौं तर्फ आउँदै गरेको बा ७७ प ९७७ नम्बरको मोटरसाईकललाई शंका लागि चेकजाँच गर्दा मोटरसाईकल चालक जिल्ला सुनसरी, बराहा नगरपालिका-३ बस्ने २९ वर्षीय खगेन्द्र बुढाथोकीले बोकेको पर्सबाट ०.११० ग्राम, मोटरसाईकलको फिल्टर भित्र लुकाई छिपाई कालो प्लाष्टिकमा राखेको प्लाष्टिक सहित ८.४३० ग्राम र प्लाष्टिक बाहेक ६.५३० ग्राम खैरो हिरोईन जस्तो पदार्थ पेला परेकोले उक्त लागु औषध सहित मोटरसाईकल र निजलाई नियन्त्रणमा लिई थप अनुसन्धान कार्य भईरहेको छ ।

सम्बन्धित समाचार

खैरो हिरोइन सहित ३ मानिसहरु नियन्त्रणमा

२०८३-०४-१९

सिन्धुली, कमलामाई नगरपालिका वडा नम्बर-९ भिमान चेकपोष्ट स्थित वि.पि.राजमार्ग सडकखण्डमा इलाका प्रहरी कार्यालय भिमानबाट खटिएको ट्राफिक सहितको टोली र लागु औषध नियन्त्रण व्यूरो शाखा कार्यालय, बर्दिवासको संयुक्त टोलीले मोरङबाट काठमाण्डौ तर्फ जाँदै गरेको चालक सिन्धुली कमलामाई नगरपालिका वडा नम्बर- १२ बस्ने बर्ष अन्दाजी-२९ को चन्द्र बहादुर माझीले चलाएको म.प्र. व०४-००१ ज ००८६ नं. को यात्रुबाहक E.V. हायसमा सवार जिल्ला सिराह मिर्चैया नगरपालिका-५ बस्ने बर्ष अन्दाजी-२० को सन्देश यादवलाई शंका लागि चेकजाचँ गर्दा निजले ल्याएको तरकारीको बोरा भित्र डब्बामा प्लास्टिकले पोका पारी लुकाई छिपाई ल्याएको लागु औषध खैरो हिरोइन जस्तो देखिने गिलो पदार्थ ४५.१९० फेला पारी नियन्त्रणमा लिई सोधपुछ गर्दा पछाडी मोटरसाइकलमा सवार चालक अभिषेक कुमार साह र सवार राहुल कुमार मण्डलले उक्त सामान दिई पठाएको भनि खुल्न आएको हुँदा मोटरसाइकल सहित निजहरुलाई नियन्त्रणमा लिई थप अनुसन्धान कार्य भईरहेको ।

फरार प्रतिवादी पक्राउ ।

२०८३-०४-१८

धादिङ, बेनिघाट रोराङ गाउँपालिका वडा नम्बर-१ बोन्द्री बस्ने बैंकिङ कसुर मुद्दाको फरार प्रतिवादी बर्ष ४४ को सुर्य बहादुर तामाङलाई प्रहरी टोलीले पक्राउ गरेको ।

झुण्डी मृत्यु

२०८३-०४-१७

सिन्धुली, कमलामाई नगरपालिका १ चौराही बस्ने गणेष बहादुर भुजेलको छोरा बर्ष अन्दाजी २४ को उमेश भुजेल आफ्नै घरमा नाईलनको डोरीले पासो लगाई झुण्डी मृत अवस्थामा रहेको खबर प्राप्त हुनासाथ प्रहरी टोली खटिगई घटनास्थलमा मुचुल्का सहित थप अनुसन्धान कार्य भइरहेको ।

मृत फेला

२०८३-०४-१४

मकवानपुर, मकवानपुरगढी गाउँपालिका-४, वाईबाडाँडा बस्ने बिर बहादुर लोप्चनको छोरा वर्ष अन्दाजी ३७ को बुद्धि बहादुर लोप्चन घरमा कोही कसैलाई जानकारी नगराई सम्पर्क विहिन रहेकोमा आफ्नतले खोत तलास गर्ने क्रममा मिति २०८३।०४।१४ गते सोहि स्थित कुसुमटार खोल्सामा घोप्टो परी मृत अवस्थामा फेला परेको । यस घटना सम्बन्धमा थप अनुसन्धान कार्य भईरहेको छ ।

झुण्डी मृत्यु

२०८३-०४-१३

चितवन, भरतपुर महानगरपालिका २२ अम्ब्रेला स्ट्रेट नजिकै बस्ने अन्दाजी बर्ष ५३ को सानुकारी महतो आफ्नै घरको काठमा सलको पासो लगाइ झुन्डि मृत्यु भएको भन्ने खबर प्राप्त हुनासाथ प्रहरी टोली खटिगई घटनास्थलमा मुचुल्का सहित थप अनुसन्धान कार्य भइरहेको ।

लागुऔषध गाँजा सहित २ जना व्यक्ति नियन्त्रणमा

२०८३-०४-०७

मकवानपुर, हेटौंडा उपमहानगरपालिका-१९, बस्तिपुर स्थित पोखराबाट काकंडभिट्टा आउँदै गरेको ना २ ख.२२९३ नं. को बस खाना खानको लागि माउन्ट दिपज्योती भोजनालयमा रोकि खाना खाई गन्तब्य तर्फ जाने क्रममा सोही स्थानमा बसको अन्तिम सिट नजिकै बसको भित्र १ वटा सेतो बोरा र १ वटा कालो झोला शंकास्मद अवस्थामा देखि बसको कन्टेक्टरले तत्कालै जानकारी गराउना साथ जिल्ला प्रहरी कार्यलय मकवानपुरबाट प्रहरी निरीक्षकको कमाण्डमा ७ जनाको टोली खटि गई हेर्दा सेतो बोरा र कालो झोला भित्र लागुऔषध गाँजा २६ किलोग्राम २० ग्राम फेला परेको । लागुऔषध सहित जिल्ला मकवानपुर मनहरी गाउँपालिका-३, पाल दमार बस्ने वर्ष अन्दाजी २२ को समिर मोक्तान र सोहि हेटौंडा उपमहानगरपालिका-१९, बस्तिपुर बस्ने वर्ष अन्दाजी २० को आशिष लामालाई नियन्त्रणमा लिई थप अनुसन्धान कार्य भईरहेको छ ।