मकवानपुर, ईन्द्रसरोवर गाउँपालिका-१ जन्गीपहरा स्थित रहेको कुलेखानी तालमा डुबि मानिसको मृत्यु भएको छ ।

मृत्यु हुने कैलाश गाउँपालिका-५ गोगने बस्ने ४८ वर्षीय बुद्धि लाल स्यान्ताङ रहेका छन् । निज ईन्द्रसरोबर गाउँपालिका-१ बस्ने  चन्द्र बहादुर बलामीको जग्गा कमाई गरि बसेकोमा मिति २०७८।०८।०६ गते देखि घरमा कोही कसैलाई जानकारी नदिई घरबाट हिडी वेपत्ता भएका थिए । निजको आफन्तहरुले निजको खोजतलाश गर्दै जाँदा कुलेखानी तालको छेउमा मृत अवस्थामा फेला पारेको थियो । प्रहरीले निजको बारेमा बुझ्दा मृतकको मानसिक सन्तुलन अलि ठिक नभएको भन्ने कुरा बुझिएको हो ।

यस सम्बन्धमा प्रहरीले अन्य अनुसन्धान कार्य गरिरहेको छ ।