चितवन, राप्ती नगरपालिका-१, दुबिचौर स्थित ईलाका प्रहरी कार्यालय, चितवनबाट खटिएको प्रहरी टोलिले पैदल हिडिरहेको ब्यक्तिहरूलाई शंका लागी झोला चेकजाँच गर्दा र्‍यापिङ गरेका लागुऔषध गाँजा २७ किलो ५०० ग्राम र गाजाँको धुलो १३ किलो २०० ग्राम फेला पारी निज व्यक्तिहरूलाई पक्राउ गरेको हो । पक्राउ पर्नेमा जिल्ला चितवन, राप्ती नगरपालिका-१ बस्ने २० वर्षीय सुरेन्द्र चेपाङ, सोही ठेगाना बस्ने वर्ष १८ को जेठा चेपाङ, सोही ठेगाना बस्ने ५० वर्षीय कृष्ण बहादुर घलान, जिल्ला पर्सा बस्ने ५५ वर्षीय बमु चौधरी, सोही ठेगाना बस्ने २३ वर्षीय सरोज राउत र जिल्ला मकवानपुर, राक्सिराङ गाउँपालिका-९ बस्ने २० वर्षीय रोशन थिङ रहेका छन् । निजहरूलाई ईलाका प्रहरी कार्यालय, चितवनमा ल्याई अन्य अनुसन्धान कार्य भईरहेको छ ।