मकवानपुर, हेटौंडा उपमहानरपालिका-१५, रातोमाटे स्थित पूर्व-पश्चिम सडक खण्डमा हेटौंडा तर्फ बाट बिरगंज तर्फ जाँदै गरेको ना १ ज ३६७७  नं.को सुमोमा लागुऔषध गाँजा ओसार पसार भईरहेको भन्ने सूचनाको आधारमा प्रहरी चौकी रातोमाटेबाट प्रहरी वरिष्ठ नायव निरीक्षकको कमाण्डमा खटिएको टोलीले उक्त सुमो लाई रोकी चेकजाँच गर्ने क्रममा सिट मुनि लुकाई छिपाई राखेको ४ पोका लागुऔषध गाँजा (अन्दाजी ३० किलो) फेला  परेको थियो । सुमो चालक जिल्ला चितवन भरतपुर महानगरपालिका-२४, बस्ने वर्ष अन्दाजी ३३ को संगम गुरुङ र सुमोमा सवार जिल्ला बारा कबहिगोठ गाउँपालिका-२, बस्ने वर्ष अन्दाजी १५ को दिपेश यादवलाई लागुऔषध गाँजा सहित नियन्त्रणमा लिई थप अनुसन्धान कार्य भईरहेको छ ।