रक्तदान कार्यक्रम सम्पन्न

२०८०-०४-२८

A
A^-
A⁺

नेपाल प्रहरी श्रीमती संघको “३९ औं वार्षिक उत्सव २०८०’’ को अवसरमा बागमती प्रदेश प्रहरी कार्यालय, हेटौंडा र बागमती प्रदेश प्रहरी श्रीमती संघद्धारा आयोजित रक्तदान कार्यक्रम सम्पन्न भएको छ । उक्त कार्यक्रममा बागमती प्रदेश प्रहरी प्रमुख प्रहरी नायव महानिरीक्षक किरण राणाज्यू, बागमती प्रदेश प्रहरी प्रवक्ता प्रहरी वरिष्ठ उपरीक्षक दिपक रेग्मीज्यू, बागमती प्रदेश प्रहरी गण हेटौंडाका गण प्रमुखज्यू, जिल्ला प्रहरी कार्यालय मकवानपुरका कार्यालय प्रमुखज्यू, बागमती प्रदेश प्रहरी श्रीमती संघकी सदस्य श्रीमती चन्द्रमुखी कुमारी जयसवालज्यू लगायत अन्य सकल दर्जाका प्रहरी कर्मचारीहरूको उपस्थितिमा रक्तदान कार्यक्रम सम्पन्न भएको थियो । उक्त कार्यक्रममा बागमती प्रदेश प्रहरी कार्यालय तथा मातहत कार्यालयहरूमा कार्यरत ४७ जना प्रहरी कर्मचारीहरूले रक्तदान गर्नुभई रक्तदान गर्ने प्रहरी कर्मचारीहरूलाई बागमती प्रदेश प्रहरी प्रमुख ज्यूबाट रक्तदान सम्मान पत्र समेत वितरण गरिएको थियो ।

सम्बन्धित समाचार

फरार प्रतिवादी पक्राउ

२०८३-०६-२०

मकवानपुर हेटौडा उपमहानगरपालिका ८ ओमनगर नजिकै बस्ने वर्ष अन्दाजी ३१ को राजकुमार खड्कालाई सुशान्त श्रेष्ठको जाहेरीले नेपाल सरकारको फैसला मिति २०८२।०२।१८ गतेको लगतै चोरी मुद्दामा फरार रहेका प्रतिवादीको २ वर्ष कैद रु.२०,०००।- जरिवाना रहेको फरार प्रतिवादिलाई निजकै घरबाट इलका प्रहरी कार्यालय पशुपतिनगर मकवानपुर र अस्थायी प्रहरी पोष्ट हरियालि मकवानपुरबाट खटिएको प्रहरी टोलीले नियन्त्रणमा लिएको छ ।

मानिस झुण्डी मृत अवस्थामा फेला

२०८३-०६-१९

जिल्ला रामेछाप मन्थली नगरपालिका-११ बरबोटे बस्ने वर्ष अन्दाजी ३० को लब आच्छामी आफ्नै घरको सुत्ने कोठाको दलिनमा खाँदा सलको पासो लागाई झुन्डी मृत अवस्थामा फेला परेको छ । घटनास्थल मुचुल्का सहित थप अनुसन्धान कार्य भईरहेको छ ।

फरार प्रतिवादी नियन्त्रणमा।

२०८३-०६-१९

मकवानपुर, जिल्ला प्रशासन कार्यालय मकवानपुरको पत्र जाहेरीले वादी नेपाल सरकार प्रतिवादी जिल्ला मकवानपुर मकवानपुरगढी गाउँपालिका-०७ बतासे घर भई हाल ऐ.हेटौडा उप-महानगरपालिका-०९ H.I.D. बस्ने वर्ष अन्दाजी-४५ की देउ कुमारी पौडेल (स्याङतान) भएको दोहोरो नागरिकता मुद्धा (चालु मुद्धा) को फरार प्रतिवादी आफै जिल्ला प्रहरी कार्यालय, मकवानपुरमा उपस्थित हुन आएकोले निजलाई नियन्त्रणमा लिई थप आवश्यक अनुसन्धान कार्य भईरहेको ।

लागुऔषध सहित मानिस नियन्त्रणमा ।

२०८३-०६-१८

मकवानपुर हेटौंडा उपमहानगरपालिका-५ सानोपोखरा बस्ने वर्ष अन्दाजी ३१ की सुष्मा तिमल्सिनाले बिक्री वितरण गर्ने उद्देश्यले घरमा लागूऔषध खैरो हिरोइन लुकाई छिपाई राखेको छ भन्ने गोप्य सूचनाको आधारमा जिल्ला प्रहरी कार्यालय मकवानपुर र वडा प्रहरी कार्यालय सानोपोखरा हेटौंडा मकवानपुरबाट खटिएको संयुक्त प्रहरी टोलीले सोहि स्थानमा गई रितपूर्वक खानतलासी गर्दा निज सुत्ने गरेको कोठा भित्र कपडा राख्ने स्टिलको दराजमा लुकाई छिपाई राखेको अवस्थामा ३ ग्राम ८५० मिलिग्राम लागुऔषध खैरो हिरोईन जस्तो देखिने धुलो पदार्त फेला परेको हो । उक्त पदार्थ सहित निजलाई नियन्त्रणमा लिई थप अनुसन्धान कार्य भई रहेको छ ।

७१ औ प्रहरी दिवस २०८३ को अवसरमा नि:शुल्क स्वास्थ्य शिविर कार्यक्रम

२०८३-०६-१७

जिल्ला मकवानपुर मकवानपुरगढी गाउँपालिका-२ कुर्लेदमार खेल मैदानमा “७१ औ प्रहरी दिवस २०८३” को अवसरमा बागमती प्रदेश प्रहरी कार्यालय हेटौंडा तथा बागमती प्रदेश प्रहरी अस्पताल हेटौंडा मकवानपुरको आयोजना र मकवानपुरगढी गाउँपालिकाको समन्वयमा स्थानिय सर्वसाधरण, बाहालवाला तथा पुर्व प्रहरी कर्मचारीको लागि नि:शुल्क स्वास्थ्य परीक्षण तथा औषधी वितरण कार्यक्रम गरिएको थियो । बागमती प्रदेश प्रहरी कार्यालय हेटौडाका प्रमुख प्रहरी नायव महानिरीक्षक दिपक रेग्मी ज्युको प्रमुख आतिथ्यता तथा बागमती प्रदेश प्रहरी कार्यालय हेटौंडाका प्रवक्ता/सुचना अधिकारी प्रहरी वरिष्ठ उपरीक्षक राजेन्द्र प्रसाद धमला, बागमती प्रदेश प्रहरी अस्पताल हेटौडाका प्रमुख प्राविधिक प्रहरी उपरीक्षक डा.बिकल श्रेष्ठ, जिल्ला प्रहरी कार्यालय मकवानपुरका कार्यालय प्रमुख प्रहरी उपरीक्षक श्याम बहादुर खत्री, मकवानपुरगढी गाँउपालिकाका जनप्रतिनिधी लगायत स्थानियबासी, पत्रकार, पुर्व प्रहरी कर्मचारी र बाहालवाला कर्मचारी सहित अन्दाजी ५०/६० जनाको उपस्थितीमा नि:शुल्क स्वास्थ्य शिविरको औपचारीक उद्घाटन कार्यक्रम सुरु भएको थियो ।

मानिस झुण्डी मृत अवस्थामा फेला

२०८३-०६-१६

जिल्ला सिन्धुपाल्चोक ईन्द्रावती गाउँपालिका-७ आँपटारी स्थि वर्ष अन्दाजी ५८ की रुकमणी कुवर आफ्नै घर भित्र आफै सुत्ने कोठाको दलिनमा नाईलनको डोरीको पासो लगाई झुन्डी मृत अवस्थामा फेला परेको हो । घटनास्थल मुचुल्का सहित थप अनुसन्धान कार्य भई रहेको छ ।