अवैध कपडा सहित मानिस नियन्त्रणमा

२०८०-०४-२१

A
A^-
A⁺

मकवानपुर हेटौंडा उपमहानगरपालिका-१५, रातोमाटे चेक प्वाईन्ट स्थित पूर्व-पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले बिरगंजबाट काठमाण्डौ तर्फ जान आउदै गरेको ना ८ ख८००१नम्बरको यात्रु बाहक बसलाई चेकजाँच गर्ने क्रममा उक्त बसको पछाडीको साईडको डिकिमा भन्सार छली लुकाई छिपाई ल्याउदै गरेको कुर्तासेट १२० पिस अन्दाजी मूल्य रु.७०० का दरले र टप्स ४९ पिस अन्दाजी मूल्य रु.३०० का दरले गरी जम्मा अन्दाजी मूल्य रु.१,००,०००/- (एक लाख) बराबरको अबैध कपडा फेला पारी उक्त बसको सहचालक जिल्ला मोरङ रंगेली नगरपालिका-४ बस्ने वर्ष अन्दाजी ३५ को अर्जुन कर्मकारलाई नियन्त्रणमा लिई थप अनुसन्धान कार्य भइरहेको छ ।

सम्बन्धित समाचार

कुटपिटबाट ४२ वर्षीय महिलाको मृत्यु

२०८३-०२-१२

मकवानपुर, मनहरी गाउँपालिका-३, घर भई हेटौंडा उपमहानगरपालिका-१, चौकी टोल तरकारी मण्डि स्थित डेरा गरी बस्ने वर्ष अन्दाजी ४५ को रामलाल ब्लोनले आफ्नै श्रीमती वर्ष अन्दाजी ४२ को ओम कुमारी भुजेललाई कुटपिट गरी घाईते बनाएको भन्ने खबर प्रहरी चौकी चौकी टोल मकावनपुरमा जानकारी प्राप्त हुनासाथ प्रहरी सहायक निरीक्षकको कमाण्डमा टोलि खटि गई गम्भिर अवस्थामा रहेकी ओम कुमारी भुजेललाई उद्वार गरी उपचारको लागी हेटौंडा अस्पताल मकवानपुर पठाएकोमा डाक्टरले मृत घोषणा गरेको । कुटपिट गर्ने श्रीमान् रामलाल ब्लोनलाई नियन्त्रणमा लिई जिल्ला प्रहरी कार्यालय मकवानपुर ल्याई थप अनुसन्धान कार्य भई रहेको छ ।

राजस्व छली ल्याएको सामान नियन्त्रणमा

२०८३-०२-११

धादिङ, गजुरी गाउँपालिका-१गजुरी स्थित पृथ्बीलोकमार्गमा पर्साबाट काठमाण्डौतर्फ जाँदै गरेको बागमती प्रदेश०३-००१ ख ३४५६ नम्बरकोको यात्रुबाहक बसलाई प्रहरी टोलीले चेकजाँच गर्ने क्रममा उक्त बसको डिक्कीमा भारतमा बनेको कफि चक्लेट, खजुर, आमुल चिज र बटर, एरियल सर्फ, किण्डरजोय चक्लेट गरि जम्मा अन्दाजी मुल्य रू १,३५,५००।- (एक लाख पैतिस हजार पाँच सय) बराबरको सामानहरु रहेको,उक्त सामानहरु बरामद गरि नियन्त्रणमा लिई आवश्यक अनुसन्धान कार्य भईरहेको ।

अमेरिकी डलर सहित मानिस नियन्त्रणमा

२०८३-०२-१०

रसुवा, उत्तरगया गाउँपालिका वडा नं. ५ बेत्रावती बजार स्थित पासाङ ल्हामु सडक खण्डमा नियमित सवारी साधनहरु चेक जाँच गर्ने क्रममा काठमाण्डौबाट टिमुरे तर्फ जाँदै गरेको बा.प्र.०१००६ ख ९५१५ नं.को यात्रुबाहक बसलाई रोकी चेकजाँच गर्दा उक्त बसमा सवार मित्रराष्ट्र चीनको मानसरोवरको लागी जादैँ गरेको भारतिय नागरीकहरु ३० जनाको ग्रुपको गाईड जिल्ला धादिङ गंगाजमुना गाउँपालिका वडा नं.५ बस्ने बर्ष ३७ को सुशिल गुरुङको साथबाट अमेरीकी डलर १०० को ३६३ वटा, ५० को ११२ वटा, २० को २९ वटा,१० को ५० वटा, ५ को ३ वटा र १ को ५ वटा गरी जम्मा ४३,०००।– (त्रिचालिस हजार मात्र) अमेरिकी डलर फेला पारि निज गाईड र उक्त परिमाणको अमेरीकी डलर सहित नियन्त्रणमा लिएको मानिस र उक्त परिमाणको अमेरीकी डलरलाई थप अनुसन्धान कार्यको लागि राजस्व अनुसन्धान विभाग हरिहर भवन ललितपुरमा बुझाएको ।

झुण्डी मृत्यु

२०८३-०२-०९

मकवानपुर, बागमति गाउँपालिका-२ धियाल बस्ने सुनिल ‍थिङको छोरी वर्ष अन्दाजी-१३ की मनिषा थिङ बिहान अन्दाजी ९:०० बजे घरमा कोहि कसैलाई नसोधी निस्की हिडेकोमा बेलुका सम्म घर नआएपछी आफन्तहरुले खोजतलास गर्दै जाने क्रममा घर भन्दा अन्दाजी ५०० मिटर पुर्वतर्फ धनसार खोला बगरमा रहेको पडकेको रूखको हाँगामा नाईनलको डोरीले पासो लगाई झुण्डी मृत अवस्थामा रहेको खबर प्राप्त पश्चात प्रहरी टोली खटि गई घटनास्थल सुरक्षित राखि मुचुल्का तथा थप अनुसन्धान कार्य भइरहेको ।

लागु औषध खैरो हिरोईन सहित मानिस नियन्त्रणमा

२०८३-०२-०८

सिन्धुली, कमलामाई नगरपालिका वडा नं.०९ भिमान सिन्धुली चेकपोष्ट स्थित वि.पि.राजमार्ग सडक खण्डमा इलाका प्रहरी कार्यालय भिमान र लागुऔषध नियन्त्रण व्यूरो शाखा कार्यालय, बर्दीबासबाट संयुक्त प्रहरी चेकिङ टोलीले झापाबाट काठमाण्डौ तर्फ जाँदै गरेको बा.४ ख ५५०० नं. को हायसमा सवार जिल्ला सोलुखुम्बु दुधकण्ड नगरपालिका वडा-२ बस्ने बर्ष अन्दाजी- २६ को विक्रम श्रेष्ठको साथमा रहेको झोलामा लागु औषध (खैरो हिरोईन) जस्तो देखिने गिलो पदार्थ तौल १०० ग्राम ४२०मिलिग्राम फेला पारी निजलाई नियन्त्रणमा लिई थप अनुसन्धान कार्य भईरहेको ।

सिन्धुलीमा झुण्डी मृत्यु

२०८३-०२-०७

सिन्धुली, मरिण गाउँपालिका-६, धमिले बस्ने हिरालाल वाईबाको छोरी अन्दाजी वर्ष १८ की देविना माया वाईबा आफ्नै घरको दलिनमा घाँटीमा नाम्लोको पासो लागाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।