बागमती प्रदेश प्रहरी प्रमुख प्रहरी नायव महानिरीक्षक किरण राणाज्यूको समुपस्थितिमा जिल्ला चितवन राप्ती नगरपालिका वडा नं. १ परेवाकोट स्थितमा वृक्षारोपण कार्यक्रम सम्पन्न गरिएको छ । समुदाय प्रहरी साझेदारीको अवधारणा अन्तर्गत मास्के मल्टिप्रपोज एग्रिकल्चर एण्ड रिसर्च प्रा.ली. चितवनसँगको सहकार्यमा कफिका विरुवाहरु वृक्षारोपण गरिएको हो । प्रहरी कर्मचारीहरु, जनप्रतिनिधि, समाजसेवी, भद्रभलाद्‍मी, संचारकर्मी लगायत ८५ जनाको सहभागीता रहेको कार्यक्रममा अन्दाजी ३,००० कफिका विरुवा रोपण गरिएको थियो । आगामी दिनहरुमा समेत स्थानीय तह लगायत विभिन्न सरोकारवाला निकायहरुसँगको समन्वयमा बागमती प्रदेश अन्तर्गतका विभिन्न जिल्लाहरुमा यसै किसिमको कार्यक्रम संचालन गरिनेछ ।