समुदाय प्रहरी साझेदारीको अवधारणामा बागमती प्रदेश प्रहरीले आम नागरिकहरूलाई विभिन्न किसिमका शिर्षकहरूमा सचेतनामुलक कार्यक्रमहरू संचालन गर्दै आईरहेको छ । यसै सन्दर्भमा बागमती प्रदेश प्रहरी कार्यालयले यस कार्यालयमा आयोजित एक कार्यक्रमका बीच अहिलेको जल्दो बल्दो अवस्थामा रहेको साईबर क्राईम, आत्महत्या, लागुऔषध, लैङगिक/घरेलु हिंसा सम्बन्धमा सचेतनामुलक प्रशिक्षण प्रदान गरिएको थियो । उक्त कार्यक्रममा मकवानपुर जिल्ला अन्तर्गतका सामुदायीक सेवा केन्द्रका पदाधिकारीहरू, विभिन्न संघसंस्थाका प्रतिनिधि लगायत स्थानीय समाजसेवी भद्र भलाद्‍मी गरी जम्मा ६० जनाको सहभागीता रहेको थियो । उक्त कार्यक्रममा सहभागीहरूबीच प्रदेश प्रहरी प्रमुख प्रहरी नायव महानिरीक्षक किरण राणाले आवश्यक अन्तरक्रिया समेत गर्नु भएको थियो ।