प्रहरी कन्ट्रोल : १००, टोल फ्री नं.: १६६०५७५२१००
नेपा
EN

सवारी दुर्घटनाबाट एकको मृत्यु

२०८०-०३-१०

  • A
  • A-
  • A+
Share

चितवन, ईच्छाकामना गाउँपालिका-४, केवलकार स्थित पृथ्वी राजमार्गमा बुटवलबाट काठामाडौं तर्फ जाँदै गरेको बा ३ ख ९४६० नम्बरको माईक्रो र विपरित दिशा तर्फ आउँदै गरेको लु ९३ प ९४६ नम्बरको मोटरसाईकल एक आपसमा ठक्कर खाँदा मोटरसाईकल चालक जिल्ला रुपन्देही, कन्चनजंगा नगरपालिका-१ बस्ने ३६ वर्षीय हेमन्त कुमाल गम्भीर घाईते भई पुरानो मेडिकल कलेज भरतपुर तर्फ पठाईएकोमा निजको उपचारको क्रममा मृत्यु भएको छ । दुवै सवारी साधन प्रहरी चौकी कुरिन्टारको नियन्त्रणमा रहेको र माईक्रो चालक जिल्ला मकवानपुर, कैलाश गाउँपालिका-२ बस्ने २८ वर्षीय लुम्न सिंह मोक्तानलाई नियन्त्रणमा लिई आवश्यक कारवाही भईरहेको छ ।

सम्बन्धित समाचार
लागूऔषध गाँजा सहित मानिस नियन्त्रणमा
२०८१-०३-०८

सिन्धुली हरिहरपुरगढी गाउँपालिका-७ चिसापानी स्थितमा अबैध लागु औषध गाँजा लुकाई छिपाई राखेको छ भन्ने विशेष सूचनाको आधारमा इलाका प्रहरी कार्यालय कपिलाकोटबाट टोली खटी गई उक्त स्थानमा रहेको थोले ब्लोनको गोठमा खानतलासी गर्दा सुति रहेको अवस्थामा जिल्ला उदयपुर कटारी नगरपालिका-६ घर भई हाल हरिहरपुरगढी गाउँपालिका-७ चिसापानी बस्ने वर्ष ४६ को कुमार पाख्रिन र बोरा तथा फलामको ड्रममा लुकाई-छिपाई राखेको अवस्थामा अन्दाजी ६१५.९३ के.जि. लागुऔषध गाँजा फेला पारी निजलाई लागुऔषध गाँजा सहित नियन्त्रणमा लिई थप अनुसन्धान कार्य भईरहेको छ । 

अबैध लागूऔषध सहित मानिस नियन्त्रणमा
२०८१-०३-०८

मकवानपुर थाहा नगरपालिका-६ बज्रबाराही बजार स्थित कुलेखानी सडक खण्डमा लागुऔषध लुकाई छिपाई ल्याउदै छ भन्ने विशेष सूचनाको अधारमा अस्थाई प्रहरी पोष्ट, बज्रबाराही मकवानपुरबाट र इलाका प्रहरी कार्यालय पालुङ मकवानपुरबाट टोली खटि गई हेटौडांबाट काठमाण्डौ तर्फ जादै गरेको बा.प्र.०६-०१ प ३७६६ नम्बरको TVS मोटरसाईकल चालक जिल्ला काठमाण्डौ चन्द्रागिरी नगरपालिका-८ मातातिर्थ बस्ने वर्ष अन्दाजी ३० को अरबिन खरेल र पछाडी सवार जिल्ला कैलाली टिकापुर नगरपालिका-६ बस्ने वर्ष अन्दाजी २७ को अंकित अधिकारीलाई चेकजाँच गर्दा मोटरसाईकल पछाडी सवार अंकित अधिकारीको साथबाट लागुऔषध-१० MG नाईट्रोभेट ११फाईल (२२पत्ता) फेला पारी  उक्त नाईट्रोभेट सहित निजहरूलाई नियन्त्रणमा लिई थप अनुसन्धान कार्य भईरहेको छ । 

लागुऔषध गाँजा सहित मानिस नियन्त्रणमा
२०८१-०३-०६

मकवानपुर, हेटौंडा उपमहानगरपालिका-१५, रातोमाटे चेक पोईन्ट स्थित पूर्व पश्चिम सडक खण्डमा प्रहरी चौकी रातोमाटेबाट खटिएको चेकिङ टोलीले हेटौंडाबाट पथलैया तर्फ जादै गरेको ना ७ ख १०५२ नम्बरको बसलाई रोकी चेकजाँच गर्ने क्रममा बसको सिट नम्बर ११ मा  रहेको जिल्ला धनुषा, लक्षमिनिया गाउँपालिका-६ बस्ने अन्दाजी २८ वर्षीय मोहम्द मुस्ताख राइनलाई शंका लागि चेकजाँच गर्दा निज बसेको सिट माथिको डिक्किको झोलामा लुकाई छिपाई राखेको ३ किलो १७० ग्राम लागुऔषध गाँजा फेला पारी उक्त लागुऔषध गाँजा सहित निजलाई नियन्त्रणमा लिई थप अनुसन्धान कार्य भईरहेको छ ।