बागमती प्रदेश प्रहरी प्रमुख प्रहरी नायव महानिरीक्षक किरण राणाले बागमती प्रदेश प्रहरी कार्यालय मातहत जिल्ला प्रहरी कार्यालय नुवाकोटको निरीक्षण तथा अवलोकन भ्रमण गर्नुभएको छ । आज आयोजित एक कार्यक्रमका बीच प्रदेश प्रहरी प्रमुख राणाले कार्यालयको वस्तुस्थिती तथा सम्पादित पछिल्लो गतिबिधीको जानकारी लिनुका साथै संगठनले सुम्पेको जिम्मेवारी नागरिकमैत्री तवरले त्रुटिरहित ढंगबाट सम्पादन गर्न आवश्यक बिभागीय निर्देशन समेत दिनुभएको हो । निरीक्षणका क्रममा प्रदेश प्रहरी प्रमुख राणाले प्रहरी कार्यालयमा सेवा लिन आएका सेवाग्राहीहरूसँग प्रहरी काम कारबाहीसँग सम्बन्धित गुनासो समेत संकलन गर्नुभएको थियो ।