अवैध लागुऔषध सहित मानिस नियन्त्रणमा

२०८०-०३-०३

A
A^-
A⁺

मकवानपुर, हेटौंडा उपमहानगरपालिका-१४, मयुरधाप स्थित सडक खण्डमा अस्थायी प्रहरी पोष्ट मयुरधाप, मकवानपुरबाट खटिएको गस्ति टोलिले हेटौंडा सिमेन्टबाट मुयुरधाप तर्फ जाँदै गरेको बा प्र ०२०२३ प १३७२ नम्बरको मोटरसाईकललाई रोकी चेकजाँच गर्ने क्रममा मोटरसाईकल चालक जिल्ला मकवानपुर, हेटौंडा उपमहानगरपालिका-१४, मयुरधाप बस्ने अन्दाजी २८ वर्षीय रूपेश ढुंगानाले भिरेको कालो झोला भित्र लुकाई छिपाई ल्याएको लागुऔषध ONEREX 100 ML को ४ बोत्तल, नगद रू. १९,३१५।-, मोबाईल थान २ फेला पारी उक्त लागुऔषधको सम्बन्धमा निजसँग सोधपुछ गर्दा निजले बाँकी लागुऔषध हेटौंडा सिमेन्ट फ्याक्ट्री स्थित तल्लो कोलनी केरा घारीमा दुई वटा भिर्नी झोलामा लुकाई छिपाई राखेको छु भनि जानकारी गराएको हुदाँ उक्त ठाउँमा प्रहरी पुगी दुई वटै झोला चेक गर्दा दुबै झोलाबाट २२९ बोत्तल ONEREX फेला पारी मोटरसाईकल, लागुऔषध र निजलाई नियन्त्रणमा लिई आवश्यक कारवाही भईरहेको छ ।

सम्बन्धित समाचार

काभ्रेमा झुण्डी एकको मृत्यु

२०८३-०२-२९

काभ्रे, पनौती नगरपालिका-९, जागीटोल स्थित बस्ने योगेश्वर श्रेष्ठको छोरा वर्ष १७ को सायुन श्रेष्ठ आफ्नो घर देखि अन्दाजी ५०० मिटर पश्चिम आफ्नै बारीको कुटमिरोको रूखमा नाईलनको डोरीले पासो लगाई झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।

मकवानपुरमा झुण्डी ६६ वर्षीय पुरुषको मृत्यु

२०८३-०२-२८

मकवानपुर, हेटौडा उपमाहानगरपालिका २ तिरतिरे धारा नजिकै सुन्दर सामुदायिक वनमा भलायो रुखमा नाइलनको डोरीको पासो लगाई हेटौडा उपमाहानगरपालिका १ चौकिटोल बस्ने बर्ष अन्दाजी ६६ को बिष्णु पौडेल झुण्डी मृत्यु भएको । घटनास्थल मुचुल्का सहित थप अनुसन्धन भइरेको छ ।

लागूऔषध खैरो हिरोईन सहित मानिस नियन्त्रणमा

२०८३-०२-२७

सिन्धुली, कमलामाई नगरपालिका वडा नम्बर -९ भिमान चेकपोष्ट स्थित वि.पि.राजमार्ग सडकखण्डमा नियमित चेकजाँच गर्ने क्रममा धरानबाट काठमाण्डौ तर्फ जाँदै गरेको बा४ख ८०१ नम्बरको हायसको सह-चालक जिल्ला भक्तपुर चाँगुनारायण नगरपालिका-६ बस्ने बर्ष अन्दाजी २४ को सुमन श्रेष्ठलाई शंका लागि चेकजाँच गर्दा निजले लगाएको पाइन्टको गोजिमा खुकुरी चुरोटको प्याकेट भित्र कालो पलास्टिकले बेरी लुकाई छिपाई ल्याएको लागुऔषध खैरो हिरोईन जस्तो देखिने गिलो पदार्थ २०० मिलि ग्राम फेला परेको । लागुऔषध सहित निजलाई नियन्त्रणमा लिई थप अनुसन्धान कार्य भईरहेको छ ।

बागमती प्रदेश स्तरीय अपराध अनुसन्धान समीक्षा गोष्ठी-२०८३ कार्यक्रम सम्पन्न

२०८३-०२-२७

नेपाल प्रहरी प्रधान कार्यालय अपराध अनुसन्धान विभाग नक्साल काठमाण्डौ र बागमती प्रदेश प्रहरी कार्यालय हेटौंडाको संयुक्त आयोजनामा यस बागमती प्रदेश प्रहरी कार्यालयको हलमा बागमती प्रदेश सरकारका माननीय मुख्यमन्त्री श्री इन्द्रबहादुर बानियाँज्यूको प्रमुख आतिथ्यतामा एक दिवसीय “ बागमती प्रदेश स्तरीय अपराध अनुसन्धान गोष्ठी” कार्यक्रम सम्पन्न भएको छ ।उक्त कार्यक्रममा विशिष्ट अतिथि माननीय आन्तरिक मामिला मन्त्री शिवराज अधिकारीज्यू, विशिष्ट अतिथि नेपाल प्रहरी प्रधान कार्यालय अपराध अनुसन्धान विभागका प्र.अ.म.नि. सुशिल सिंह राठौरज्यू, उच्च सरकारी वकिल कार्यालयका सहन्यायधिवक्ता पुजा खत्रीज्यू, मकवानपुर जिल्लाका प्रमुख जिल्ला अधिकारी वसन्त अधिकारीज्यू, बागमती प्रदेश प्रहरी कार्यालयका प्रमुख प्र.ना.म.नि. दिपक रेग्मीज्यू, प्रहरी वरिष्ठ उपरीक्षकज्यूहरु, मातहत जिल्ला प्रहरी कार्यालयका प्रमुख र अनुसन्धान अधिकृत, कसुरको अनुसन्धान गर्ने इलाका प्रहरी कार्यालयका कार्यालय प्रमुखहरु, पत्रकार महासंघका अध्यक्ष, संचारकर्मीहरु गरी १७२ जनाको उपस्थिति रहेको थियो ।

लागुऔषध गाँजा र मदिरा सहित मानिस नियन्त्रणमा

२०८३-०२-२६

धदिङ, घुम्दी घरभई हाल चितवन भरतपुर महानगरपलिका-३ नौघरे स्थितमा डेरा गरी खाजा पसल संचालन गरी बस्ने वर्ष ६० की ज्ञानु कुमारी श्रेष्ठले लुकाई छिपाइ लागुऔषध घरेलु मदिरा बिक्री वितरण गर्ने गरेको भन्ने बिशेष सुचनाको आधारमा प्रहरी टोली खटी गई कोठा खान तलासी गर्दा कोठा भित्र लुकाई राखेको अबस्थामा लागुऔषध गाँजा ४ केजि ९०० ग्राम र अन्दाजी-३०० लिटर तयारी घरेलु मदिरा सहित निज ज्ञानु कुमारी श्रेष्ठ र निजको छोरा वर्ष ३७ को प्रकाश श्रेष्ठलाई नियन्त्रणमा लिई थप अनुसन्धान कार्य भईरहेको छ ।

चितवनमा झुण्डी एक पुरूषको मृत्यु

२०८३-०२-२५

चितवन, भरतपुर महानगरपालिका-५, रामबाघ बस्ने वर्ष ६७ को अमर बहादुर रानाभाटले आफ्नै घरको काठको बलोमा हरियो पटुकिले पासो लगाइ झुण्डी मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ ।