चितवन, भरतपुर महानगरपालिका-१२, टिकौली जंगल स्थित टाँडीबाट भरतपुर तर्फ आउँदै गरेको ना ४ ख ६६७४ नम्बरको ट्रकले सोही दिशाबाट आउँदै गरेको बागमती प्रदेश ०३-००२ प ७६८८ नम्बरको स्कुटरलाई पछाडिबाट ठक्कर दिदाँ स्कुटर चालक सहित पछाडि सवार दुवै जना गम्भिर घाईते भई उपचारको लागि नयाँ मेडिकल कलेज भरतपुर र भरतपुर सरकारी अस्पताल पठाईएकोमा स्कुटर चालक जिल्ला चितवन, भरतपुर महानगरपालिका-११ बस्ने २० वर्षीय सागर तामाङ उपचारको क्रममा मृत्यु भएको छ । पछाडि सवार सोही ठेगाना बस्ने २० वर्षीय बिशान्त ढकाल गम्भीर अवस्थामा रहेकोमा नयाँ मेडिकल कलेज भरतपुरमा उपचार भईरहेको छ । ट्रक चालक जिल्ला तनहुँ बस्ने ५० वर्षीय ढक बहादुर गुरुङलाई नियन्त्रणमा लिई आवश्यक कारवाही भईरहेको छ ।