सिन्धुली, कमलामाई नगरपालिका-२, चियाबारी स्थित राज कुमार श्रेष्ठको घर भाडामा लिई सोही ठेगाना बस्ने अम्बिका कुमारी बुढाथोकीले किराना पसल संचालन गर्दै आएकोमा निजले आफ्नो कोठामा बालेको दियो बत्तीले अचानक घरमा सल्किन गई आगलागी हुँदा अम्बिका कुमारी बुढाथोकीको पसलको किराना सामान, फर्निचर, लत्ताकपडा, भाँडाबर्तन र नगद रू. १,००,०००।– सहित अन्दाजी रू. १५,२०,०००।– क्षति भएको र घरधनी राज कुमार श्रेष्ठको घर जली पूर्ण रूपमा नष्ट भएको हुँदा अन्दाजी रू. १०,००,०००।– समेत गरी २५,२०,०००।– बराबरको क्षति भएको छ । निजको घरसँगै जोडिएको सोही ठेगाना बस्ने कौशल थापाको नगद रू. २,६०,०००।– र सुनचादीको गरगहना, होटलको सामान, फर्निचर, लत्ताकपडा, भाँडाबर्तन, अन्य सरसामान र घर समेत अन्दाजी रू. ३२,००,०००।– र सोही ठेगाना बस्ने योग बहादुर थापाको होटलको सामान, फर्निचर, लत्ताकपडा, भाँडाबर्तन, अन्य सरसामान र घर समेत अन्दाजी रू. २६,००,०००।– र सोही ठेगाना बस्ने गंगा बहादुर थापाको नगद रू. १३,००,०००।– र होटलको सामान, फर्निचर, लत्ताकपडा, भाँडाबर्तन, अन्य सरसामान र घर समेत अन्दाजी रू. ३३,००,०००।– गरी जम्मा अन्दाजी रू. १,१६,२०,०००।– (अक्षरेपी रू. १ करोड १६ लाख २० हजार) बराबरको क्षति भएको छ । यस सम्बन्धमा आवश्यक अनुसन्धान कार्य भईरहेको छ ।