बागमती प्रदेश प्रहरी प्रमुख प्रहरी नायव महानिरीक्षक किरण राणाले बागमती प्रदेश प्रहरी कार्यालय मातहतका बागमती प्रदेश प्रहरी गण, हेटौंडा तथा बागमती प्रदेश विपद् व्यवस्थापन गुल्म, हेटौंडाको निरीक्षण तथा अवलोकन भ्रमण गर्नुभएको छ । आज आयोजित एक कार्यक्रमका बीच प्रदेश प्रहरी प्रमुख राणाले कार्यालयहरूको वस्तुस्थिति र सम्पादित कार्यहरूको बारेमा जानकारी लिनुका साथै कार्यालयमा रहेका क्‍वाटरगार्ड, उद्दार सम्बन्धी उपकरण तथा विभिन्न शाखाहरूको निरीक्षण गर्नुभएको हो । निरीक्षण तथा अवलोकन भ्रमण पश्चात् प्रहरी नायव महानिरीक्षक राणाले आफूलाई दिईएको जिम्मेवारी प्रभावकारी ढंगले, उच्च मनोवल र अनुशासित तवरले सम्पादन गर्न प्रहरी कर्मचारीहरूलाई आवश्यक विभागिय निर्देशन समेत दिनुभएको थियो ।