सिन्धुली, हरिहरपुरगढी गाउँपालिका-७, भुताहा र काभ्रेपलाञ्चोकको सिमाना नजिक प्रहरी चौकी क्यानेश्वरबाट खटिएको टोलीले गस्ती गर्दै जाने क्रममा क्यानखोला कच्ची-सडक खण्डमा क्यानशिरबाट भुताहा तर्फ आउदै गरेको प्र ०२-०३-०१८ प ८०६५ नम्बरको मोटरसाईकल चालक जिल्ला सर्लाही, हरिवन नगरपालिका-२ बस्ने अन्दाजी २३ वर्षीय प्रलात कुमार थोकर र पछाडि सवार जिल्ला सिन्धुली, हरिहरपुरगढी गाउँपालिका-८ बस्ने अन्दाजी ३३ वर्षीय देउकुमार स्याङ्तानलई चेकजाँच गर्ने क्रममा बोरा भित्र लागुऔषध गाँजा र अर्को नम्बर नखुलेको मोटरसाईकलमा दुई जना सवार व्यक्ति प्रहरी टोलीलाई देख्ना साथ मोटरसाईकलको बिचमा राखि ल्याएको बोरा फाली मोटरसाईकल सहित फरार भएको छ । उक्त दुई ओटा बोरामा जम्मा लागुऔषध गाँजा ७६ किलो ५०० ग्राम रहेको थियो । लागुऔषध गाँजा सहित मोटरसाईकल र २ जना व्यक्तिलाई नियन्त्रणमा लिई थप अनुसन्धान कार्य भईरहेको छ ।