मकवानपुरमा सवारी दुर्घटना हुँदा २ जनाको मृत्यु
२०७९-१२-०१
- A
- A-
- A+
मकवानपुर, बकैया गाउँपालिका-१२, खोरभञ्ज्याङ स्थित भित्री कच्ची सडक-खण्डमा शिवम सिमेन्ट फ्याक्ट्रीको चक्ति ढुङ्गा खानीमा शिवम सिमेन्ट प्याक्ट्रीबाट ढुङ्गा लोड गर्न जाँदै गरेको ना ८ ख ५३३५ नम्बरको टिपर आफैँ अनियन्त्रित भई सडकबाट अन्दाजी ८००/९०० मिटर तल खोल्सामा खसी दुर्घटना हुदाँ चालक जिल्ला मकवानपुर, मकवानपुरगढी गाउँपालिका-२, अदुवाखर्क बस्ने अन्दाजी २७/२८ वर्षीय चन्द्र योन्जन मृत अवस्थामा फेला परेको थियो । घटनास्थल मुचुल्का सहित आवश्यक अनुसन्धान कार्य भईरहेको छ । त्यसै गरी हेटौंडा उपमहानगरपालिका-११, थानाभर्याङ स्थित पूर्व-पश्चिम सडक खण्डमा नवलपुरबाट हेटौंडातर्फ आउदै गरेको मधेश प्रदेश ०३-००१ च ६९४३ नम्बरको हात्ती गाडीले पैदल यात्री हाल नामथर वतन नखुलेको अन्दाजी ३५/४० वर्षीया महिलालाई ठक्कर दिदाँ निजको मृत्यु भएको छ । यस घटना सम्बन्धमा थप अनुसन्धान कार्य भईरहेको छ ।