मकवानपुर, राक्सिराङ गाउँपालिका-५, प्रहरी चौकी चैनपुरबाट प्रहरी हवल्दारको कमाण्डमा खटिएको टोलीले पलासेबाट मनहरी तर्फ आउँदै गरेको ना २ ह ५७०१ न.को अटोलाई शंका लागी चेकजाँच गर्दा लागुऔषध गाँजा ४ के.जी ६०० ग्राम फेला परेको थियो । उक्त अटोमा सवार देश भारत मोतिहारी बिश्रामपुर ग्राम बस्ने वर्ष १७ को दिपु कुमार चौहान र सोहि बस्ने वर्ष २० को बिक्की कुमार चौहानलाई लागुऔषध गाँजा सहित नियन्त्रणमा लिई थप अनुसन्धान कार्य भईरहेको छ ।