प्रहरी कन्ट्रोल : १००, टोल फ्री नं.: १६६०५७५२१००
नेपा
EN
तालिम समापन
२०७९-०८-१९

बागमती प्रदेश प्रहरी तालिम केन्द्र दुधौली, सिन्धुलीको तत्वावधानमा बागमती प्रदेश प्रहरी कार्यालय हेटौंडाद्वारा बागमती प्रदेश प्रहरी गण हेटौंडामा संचालित रेडियो अपरेटर ग्रेड थ्री (प्र.ज.) तालिम १६ औं समुहको दीक्षान्त समारोह सम्पन्न भएको छ । बागमती प्रदेश प्रहरी गण हेटौंडामा आज आयोजित एक कार्यक्रमका बीच प्रहरी उपरीक्षक गौतम मिश्रले तालिमको समापन गर्नुभएको हो । ७५ कार्यदिन अवधीको उक्त तालिममा २५ जना पुरुष र ५ जना महिला गरी ३० प्रशिक्षार्थीहरूको सहभागिता रहेको थियो । तालिम समापन समारोहमा बागमती प्रदेश प्रहरी कार्यालय हेटौंडा र बागमती प्रदेश प्रहरी गण हेटौंडामा कार्यरत अन्य सकल दर्जाका प्रहरी अधिकृत तथा जवानहरूको समेत सहभागिता रहेको थियो । 

नेपाली सेनाका शिक्षार्थी अधिकृतहरूलाई प्रशिक्षण सम्पन्न
२०७९-०८-१६

नेपाली सेनाको श्री नेपाली सैनिक स्टाफ कलेजका शिक्षार्थी अधिकृतहरूलाई प्रशिक्षण कार्यक्रम सम्पन्न भएको छ । बागमती प्रदेश प्रहरी कार्यालय, हेटौंडामा आज आयोजित एक कार्यक्रमका बिच प्रहरी उपरीक्षक गौतम मिश्रले बागमती प्रदेश प्रहरीको समग्र वस्तुस्थितीको जानकारी गराउँदै जिम्मेवारीको क्षेत्र, प्रहरी कामकारबाही तथा शान्ति सुरक्षा र सहकार्यको बारेमा जानकारी प्रदान गर्नुभएको हो । प्रशिक्षण पश्चात शिक्षार्थी अधिकृतहरूले राख्नुभएको बिभिन्न जिज्ञासाको समेत प्रहरी उपरीक्षक मिश्रले सामाधान गर्नुभएको थियो । कार्यक्रममा नेपाली सेनाका ४१ जना, नेपाल प्रहरीबाट १ जना र राष्ट्रिय अनुसन्धान विभागबाट १ जना गरी जम्मा ४३ जना शिक्षार्थी अधिकृत तथा ३ जना नेपाली सैनिक स्टाफ कलेजका शिक्षक अधिकृतहरूको सहभागिता रहेको थियो ।  

सवारी दुर्घटना
२०७९-०८-१४

सिन्धुली, कमलामाई नगरपालिका-८ हर्दिया पुल स्थित बि.पि.राजमार्गमा सवारी दुर्घटनामा परी जिल्ला खोटाङ खोटाङ गाउँपालिका-३ बस्ने २६ वर्षीय सबिन तामाङ गम्भिर घाईते भएका छन । दुर्घटना भिमान तर्फबाट सिन्धुली तर्फ जाँदै गरेको बा ७ च ५१७० नं.को बोलेरो पेट्रोल पम्पमा तेल हाल्न जाने क्रममा सोहि दिशा तर्फ जाँदै गरेको बा ५९ प ६८१६ नं.को मोटरसाईकल एक आपसमा ठक्कर खाई दुर्घटना भएको थियो । दुर्घटनामा मोटरसाईकल चालक सबिन तामाङको बाया खुट्टा, चिउडोमा चोट लागि गम्भिर घाइते भएका छन । घाईतेको उपचार सिन्धुली जिल्ला अस्पतालमा भईरहेको छ । यस घटनाको सम्बन्धमा आवश्यक अनुसन्धान कार्य भईरहेको छ । 

लागुऔषध गाँजा नियन्त्रणमा
२०७९-०८-१४

मकवानपुर, मनहरी गाउँपालिका-६ कत्लेखोला स्थित पुर्व पश्चिम सडक खण्डमा प्रहरीले लागुऔषध गाँजा लोड गर्दै गरेको अवस्थामा WB59C6735 नं.को ईन्डियन ट्रक नियन्त्रणमा लिएको छ । विषेश सुचनाको आधारमा ईलाका प्रहरी कार्यालय, मनहरीबाट प्रहरी निरीक्षकको कमाण्डमा र सशस्त्र प्रहरी बल IRT पोष्ट कत्लेखोला मकवानपुरबाट सशस्त्र प्रहरी नायव निरीक्षकको कमाण्डमा खटिएको संयुक्त टोलिले नियन्त्रणमा लिएको हो । ट्रकभित्र पलास्टिको बोरामा प्याक गरि लुकाई छिपाई राखेको १२ वटा पोका लागुऔषध गाँजा तौल गर्दा ७९ के.जि. फेला परेको थियो । प्रहरीले लागुऔषध गाँजा सहित ट्रक नियन्त्रणमा लिई आवश्यक थप अनुसन्धान कार्य गरिरहेको छ ।